អ្នកប្រដាល់ថៃកាំឡៃ ភីត បំបាក់ឡុង សុភី ទាំងមិនអស់ចិត្តកាលពីម្សិលមិញ

នូ មករា June 12, 2017


ភ្នំពេញ៖ អ្នកប្រដាល់ឡុង សុភី មកពីក្លិបសាលវ័ន្ដកីឡាបានប្រកួតចាញ់ពិន្ទុអ្នកប្រដាល់ថៃកាំឡៃ ភីត ដោយពិន្ទុទាំងមិនអស់ចិត្តក្នុងការប្រកួតនាព្រឹកថ្ងៃទី១១ ខែមិថុនាម្សិលមិញនៅលើសង្វៀនទូរទស្សន៍អាស៊ីអាគ្នេយ៍ ។ ពីដំបូងឡើយ ឡុង សុភី បានបង្ហាញពីមហិច្ឆតាក្នុងការផ្តួលកាំឡៃ ភីត ឲ្យសន្លប់ត្រឹមទឹកទី៣ ដើម្បីទទួលបានរង្វាន់បន្ថែម ១.០០០.០០០រៀលថែមទៀត ប៉ុន្តែមិនត្រឹមតែធ្វើមិនបានប៉ុណ្ណោះទេតែថែមទាំងទទួលបរាជ័យទៀតផង ។

គេសង្កេតឃើញថា ស្ទើរពេញមួយប្រកួតនេះ សុភីសម្រុកចូលរហូតតែការវាយចេញច្រើនរបស់គេមិនបានចំគោលដៅឡើយ ។ ចំណែកឯ កំឡៃ ភីត វិញវាយចេញមួយៗតែចំគោលដៅបានល្អពិសេសគេទាត់វិះៗកញ្ចឹងករបស់សុភី ជាញឹកញាប់ទៀតផង មិនតែប៉ុណ្ណោះកណ្ដាប់ដៃអ្នកប្រដាល់ថៃរូបនេះធ្វើឲ្យសុភីរញ្ជួយក្បាលជាញឹកញាប់ ។ សុភីដែលមានស្នៀតជង្គង់ល្អនោះពេលជួបជាមួយអ្នកប្រដាល់ថៃរូបនេះគេបែរជាវាយចេញមិនរួចទៅវិញ ដោយពេលខ្លះគេវាយចូលចិត្តវាយប្រហារជើងក្រោមគូប្រកួតតែជួបជាមួយ កំឡៃ ភីតបន្ទាប់ពីគេសាកល្បងវាយជើងក្រោមមិនបានសម្រេចហើយបែរជាត្រូវគូប្រកួតវាយសងមកវិញនោះធ្វើឲ្យសុភីលែងហ៊ានប្រថុយលេងជើងក្រោមតែម្ដង ។

គួរបញ្ជាក់ថាអ្នកប្រដាល់ថៃរូបនេះធ្លាប់វាយរឿង សោភ័ណ្ឌ មកពីក្លិបម្កុដរាជសីហ៍ឲ្យសន្លប់រួចមកហើយ បន្ទាប់មកធ្លាប់ឈ្នះអ្នកប្រដាល់ជើងខ្លាំងព្រំ សំណាង មកពីក្លិបទ័ពឆ័ត្រយោង៩១១ ក៏ដូចជាធ្លាប់ផ្ដួល សរ រាជសីហ៍ របស់ក្លិបមោងឬស្សីមរតកគុនខ្មែរនៅទឹកទី១ ប៉ុន្តែគេបែរប្រកួតចាញ់កីឡាករអ៊ុង វីរៈ របស់ក្លិបទ័ពឆ័ត្រយោង៩១១ ទៅវិញ ៕

អត្ថបទ៖ វ៉ាន្នី

មតិយោបល់

វីដេអូ

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត