UEFA Champions League: Manchester city ទទួល Monaco  ខណៈ Leverkusen ជួប Atletico Madrid

ក្រោយការប្រកួតវគ្គសន្សំពិន្ទុតាមពូលនីមួយៗបានបញ្ចប់ យើងបានរកឃើញក្រុមខ្លាំងចំនួន ១៦ ក្រុមដើម្បីបន្តទៅប្រកួតវគ្គជម្រុះជុំ ១៦ ក្រុមជាបន្តទៀត។ បន្ទាប់ពីការប្រកួតវគ្គ ១៦ ក្រុមចុងក្រោយបានធ្វើឡើងកាលពីសប្តាហ៍មុនរួចមក សប្តាហ៍នេះការប្រកួតវគ្គ ១៦ ក្រុមចុងក្រោយនឹងបន្តដោយនៅរាត្រីនឹងមានការប្រកួតចំនួន ២ គូរ។

ការប្រកួតពានរង្វាន់ UEFA Champions League វគ្គ ១៦ ក្រុមចុងក្រោយជើងទី ១ នឹងបន្តនៅយប់នេះខណៈ ក្លឹប​ Manchester City របស់ប្រទេស​ ​អង់គ្លេស នឹងបើកកីឡដ្ឋានរបស់ខ្លួនដើម្បី ជួបជាមួយក្រុម​ក្លឹប AS Monaco របស់ប្រទេស​ បារាំង ស្របពេលដែលក្លឹប Leverkusen នឹងត្រូវប៉ះ​ជាមួយក្លឹប Atletico Madrid នៅវេលាម៉ោង ២​:៤៥ នាទីរំលងអធ្រាត្រថ្ងៃទី ២២ កុម្ភៈ នេះផងដែរ។

គួរបញ្ជាក់ផងដែរថា ការប្រកួតពានរង្វាន់ UEFA Champions League ២០១៦-២០១៧ នេះជារដូវកាលទី ៦២ នៃ Europe’s premier club football tournament ដែលរៀបចំដោយ UEFA ហើយនេះជារដូវកាលទី ២៥ ដែលការប្រកួតនេះបានប្តូរពីឈ្មោះ European Champion Clubs’ Cup មកជា UEFA Champions League។

សម្រាប់ការប្រកួតវគ្គផ្តាច់ព្រ័ត្រ UEFA Champions League ២០១៧ នឹងធ្វើឡើងនៅកីឡដ្ឋាន Millennium Stadium ទីក្រុង Cardiff ប្រទេសវែលស៍៕

អត្ថបទ៖ រិទ្ធី

មតិយោបល់

Sponsor

អត្ថបទថ្មីៗ