សហព័ន្ធការ៉ាតេនឹងរៀបចំសមាជិកប្រតិបត្តិថ្មីដើម្បីបញ្ចប់ជម្លោះ

នូ មករា July 9, 2016


ភ្នំពេញ៖ សហព័ន្ធកីឡាការ៉ាតេដែលជាសហព័ន្ធមួយពោរពេញដោយបញ្ហានោះនឹងរៀបចំសមាជិកប្រតិបត្តិថ្មីរបស់ខ្លួននាពេលខាងមុខនេះ ដោយបណ្ដាអ្នកចេះដឹងខាងក្បាច់ការ៉ាតេ ម្ចាស់ក្លឹប គ្រូធំៗ គ្រប់ស្ទីលទាំង ៥ នឹងជជែកគ្នាដើម្បីរកអ្នកមានសមត្ថភាពអាចដឹកនាំសហព័ន្ធដែលពោរពេញដោយជម្លោះមួយនេះឲ្យគេចចេញផុតពីជម្លោះនានាបានពេលអនាគត។

ជម្លោះដែលត្រូវបានគឺអះអាងថាកើតចេញពីការមិនចុះសម្រុងគ្នារវាងលោកឡាច ច័ន្ទសុវណ្ណ ដែលធ្លាប់ជាអគ្គលេខាធិការ និង ធ្លាប់ជាប្រធានសហព័ន្ធនេះជាមួយនឹងបុគ្គលឯទៀត ខណៈដែលនៅពេលនេះលោកឡាច ច័ន្ទសុវណ្ណ បានក្លាយជាប្រធានសហព័ន្ធកីឡាស៊ីរិនជីកាំប៉ូទៅហើយនោះ។

1432471948

សូមបញ្ជាក់ថា សហព័ន្ធការ៉ាតេសព្វថ្ងៃដឹកនាំដោយលោកសាយ ណរ៉ា ដែលមានលោកឡាច ច័ន្ទតារ៉ា ដែលជាប្អូនប្រុសរបស់លោកឡាច ច័ន្ទសុវណ្ណជាអគ្គលេខាធិការ។ ប្រភពមួយចំនួនបានបញ្ជាក់ថា បងប្អូនត្រកូលឡាចនេះក៏មិនត្រូវគ្នាដែរ ដូច្នេះហើយទើបបញ្ហាចេះតែកើតមានមិនឈប់ឈរបែបនេះ។

Karate-4

យ៉ាងណាក៏ដោយ នៅព្រឹកថ្ងៃទី៩ ខែកក្កដា នេះ ឯកឧត្តមវ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជាបានប្រកូកប្រកាសដល់អ្នកចេះដឹង មេក្លឹប និងគ្រូធំៗដើម្បីរកឱកាសជជែកគ្នាក្នុងគោលបំណងរៀបចំសហព័ន្ធការ៉ាតេ ឲ្យចេញផុត ពីជម្លោះនេះ ហើយឯកឧត្តមបានព្រមានថា ប្រសិនបើសហព័ន្ធមួយនេះនៅតែញាំញីជាមួយនឹងជម្លោះតទៅទៀតគណៈកម្មាធិ ការជាតិអូឡាំពិកកម្ពុជានឹងលែងទទួលស្គាល់សហព័ន្ធនេះជាសមាជិកអូឡាំពិកកម្ពុជាតែម្តង៕

អត្ថបទ៖ វ៉ាន្នី

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត