EPL: ក្លឹប Chelsea ចុះកុងត្រាជាមួយខ្សែប្រយុទ្ធ Michy Batshuayi សញ្ជាតិ ប៊ែលហ្សិកពីក្លឹប Marseille 

លី រិទ្ធី July 4, 2016


ក្លឹបតោខៀវ Chelsea បានចុះកុងត្រាជាមួយខ្សែប្រយុទ្ធ Michy Batshuayi សញ្ជាតិ ប៊ែលហ្សិកពីក្លឹប Marseille ក្នុងរយៈពេល ៥ ឆ្នាំ។  កីឡាករវ័យ ២២ ឆ្នាំរូបនេះគឺជាកីឡាករដំបូងដែលលោក Antonio Conte នាំយកមក Stamford Bridge។

សម្រាប់តម្លៃខ្លួនរបស់កីឡាកររូបនេះមិនត្រូវបានបង្ហាញនោះទេដោយក្លឹបតោខៀវ Chelsea តែត្រូវបានគេជឿថាកីឡាកររូបនេះអាចមានតម្លៃ ៤០ លានអឺរ៉ូ។ កីឡាករខ្សែប្រយុទ្ធរូបនេះ រកបាន ២៣គ្រាប់ឲ្យក្លឹប Marseille កាលពីរដូវកាលមុន ព្រមទាំងរកបានគ្រាប់បាល់ជ័យជម្នះឲ្យក្រុមជម្រើសជាតិ ប៊ែលហ្សិក នៅក្នុងការប្រកួត Euro 2016 វគ្គ ១៦ ក្រុមចុងក្រោយផងដែល មុនឹងចាញ់ក្រុមជម្រើសជាតិ វែលស៍ នៅវគ្គ ៨ ក្រុមចុងក្រោយ។

ក្រោយចុះកុងត្រាកីឡាករ Michy Batshuayi បាននិយាយថា៖ “ខ្ញុំពិតជារីករាយដែលបានចូលរួមជាមួយក្លឹបធំមួយនៅទ្វីបអឺរ៉ុបនេះ។”

“មិត្តរួមក្រុមជម្រើសជាតិរបស់ខ្ញុំ កីឡាករ Eden Hazard និង Thibaut Courtois បានប្រាប់ពីចំណុចល្អពីក្លឹបជាច្រើន ហើយលោក Antonio Conte ក៏នឹងមកដឹកនាំផងដែរ នេះជាពេលវេលាដ៏រំភើបមួយដែលបានក្លាយជាកីឡាកររបស់ក្លឹប Chelsea។”

គួរបញ្ជក់ផងដែរថា កីឡាករ Batshuayi ចុះកុងត្រាជាមួយក្លឹប Marseille ពី Standard Liege នៅឆ្នាំ២០១៤ ហើយបានបង្ហាញខ្លួនក្នុងការប្រកួតអន្តរជាតិ កាលពីខែ មិនា ដែលបានយកឈ្នះ ៥-០ ទៅលើក្រុម Cyprus។

1467552513069

 

ប្រែសម្រួលដោយ៖ រិទ្ធី

ប្រភព៖ BBC Sports

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត