កម្ពុជានឹងបញ្ជូនអត្តពលិកនៃកីឡា ៥ ប្រភេទទៅចូលរួម 8th ASEAN School Games នៅឈៀងម៉ៃ

នូ មករា June 27, 2016


ភ្នំពេញ៖ កម្ពុជាបានរៀបចំក្រុមប្រតិភូកីឡា និងអត្តពលិកសរុបចំនួន ៣១ នាក់ លើប្រភេទកីឡាចំនួន ៥ ដើម្បីទៅចូលរួមការប្រកួតកីឡាសិស្សអាស៊ានលើកទី៨ (8th ASEAN School Games) ដែលនឹងប្រព្រឹត្តទៅចាប់ពីថ្ងៃទី២១ ដល់ថ្ងៃទី២៩ ខែកក្កដា ឆ្នាំ២០១៦ នៅខេត្តឈៀងម៉ៃ ព្រះរាជាណាចក្រថៃ។ ប្រភេទកីឡាដែលកម្ពុជាចូលរួមមានដូចជា៖ វាយកូនឃ្លីលើតុ, អត្តពលកម្ម ហែលទឹក វាយសីុំ និងវាយកូនបាល់។

8th_ASEAN_School_Games Logo

នៅក្នុងឱកាសសំណេះសំណាលជាមួយប្រតិភូកីឡាដែលនឹងត្រូវតំណាងប្រទេសកម្ពុជាក្នុងព្រឹត្តិការណ៍នេះ ឯកឧត្ដម ស៊ាន បូរ៉ាត បានមានប្រសាសន៍ ផ្ដាំផ្ញើកាន់កីឡាករ-កីឡាការិនី ថា៖ «នេះជាលើកទី ១ ដែលកម្ពុជារបស់យើង បានបញ្ជូនកីឡាសិស្សទៅចូលរួមក្នុងព្រឹត្តិការណ៍នេះ ដូច្នេះវាជាមោទនៈភាព សម្រាប់កម្ពុជា ក៏ដូចជាសម្រាប់ប្អូនៗដែលជាតំណាងប្រទេសក្នុងចំណោមសិស្ស ជាង ២លាននាក់ នៃប្រទេសកម្ពុជាយើង ដែលចូលរួមប្រកួតតំណាងឲ្យពួកគេក្នុងឆាកអន្តរជាតិ ដូចនេះប្អូនៗត្រូវខិតខំប្រឹងប្រែងដើម្បីនាំមេដាយជូនជាតិ និងគោរពបាននូវវិន័យ ពោលគឺត្រូវចេះគោរពខ្លួនឯង គោរពអ្នកដ៏ទៃ អ្នកដ៏ទៃនឹងផ្ដល់ឲ្យយើងវិញនូវសេចក្ដីស្រលាញ់ ជោគជ័យកាន់តែខ្លាំង ការខិតខំប្រឹងប្រែងយើងក៏ខ្លាំងដែរ»។ ឆ្លៀតក្នុងឱកាសនោះ ឯកឧត្ដមក៏បានកោតសរសើរផងដែរ ជូនដល់អង្គភាពដែលទទួលបន្ទុកកីឡា (អគ្គនាយកដ្ឋានកីឡា និងអង្គភាពក្រោមឱវាទ) ដែលបានខិតខំប្រឹងប្រែង ធ្វើយ៉ាងណាឲ្យរាជរដ្ឋាភិបាលយើងមានសក្ដានុពលក្នុងវិស័យកីឡា។

សូមបញ្ជាក់ថា កម្មវិធី  ASEAN School Games គឺជាព្រឹត្តិការណ៍ប្រកួតកីឡាសម្រាប់សិស្សានុសិស្សក្នុងកម្រិតវិទ្យាល័យ និងមានការចូលរួមពីសំណាក់បណ្តាប្រទេសនៅក្នុងតំបន់អាស៊ាន ក្រោមការរៀបចំឡើងដោយ ASEAN Schools Sports Council (ASSC) ចាប់តាំងពីឆ្នាំ២០០៩ មក។ គិតមកទល់ពេលនេះ ការប្រកួតនេះបានប្រព្រឹត្តិទៅចំនួន ៧លើករួចមកហើយដោយកាលពីលើកទី៧ (ឆ្នាំ២០១៥) ប្រទេសប្រ៊ុយណេបានធ្វើជាម្ចាស់ផ្ទះ និងមានអត្តពលិកប្រមាណជា ៦០០ នាក់បានចូលរួមផងដែរ៕

ASG 04

អត្ថបទ៖ មករា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត