ក្លឹប BURIRAM តាមប្រមាញ់អតីតកីឡាកររបស់ក្លឹប BARCELONA

លី រិទ្ធី January 19, 2016


ក្លឹប Buriram United ដែលជាជើងឯក ៥ សម័យរបស់ប្រទេសថៃបានធ្វើឲ្យសារពត៌មាននៅប្រទេសប្រ៊េលស៊ីលភ្ញាក់ផ្អើលដោយសារតែក្លឹបនេះកំពុងមានបំណងនាំយកអតីតខ្សែប្រយុទ្ធរបស់ក្លឹប Barcelona កីឡាករ Keirrison នេះបើតាមសារពត៌មានរបស់ប្រទេសព័រទុយហ្គា។
ទោះបីជាមានកីឡាករបរទេសដូចជាកីឡាករ Andre Moritz និង Danilo Cirino ក្លឹប Buriram នៅតែសម្លឹកមើលកីឡាករផ្សេងទៀតដើម្បីពង្រឹងក្រុមរបស់ខ្លួន។ ក្លឹបជើងឯកលីកកំពូលថៃនេះចង់នាំយកអតីតខ្សែប្រយុទ្ធរបស់ក្លឹប Barcelona កីឡាករ Keirrison ដែលទៀបតែចាកចេញពីក្លឹបរបស់ខ្លួនគឺក្លឹប Coritiba។
កីឡាករ Keirrison បច្ចុប្បន្នមានវ័យ ២៧ ឆ្នាំ ដែលអាចចាត់ទុកថាកីឡាករដែលមានទេពកោសល្យដែលធ្លាប់លេងនៅលីកអ៊ីតាលី Serie A នៅអាយុ ១៧​ ព្រមទាំងរកបានគ្រាប់បាល់ជាច្រើនឲ្យក្លឹប Coritiba និងក្លឹប Palmeiras។ កីឡាកររូបនេះបានផ្លាស់ទៅលេងនៅក្លឹប Barcelona កាលពីឆ្នាំ ២០០៩ ជាមួយនឹងតម្លៃខ្លួន ១៥ លានអ៊ឺរ៉ូ។ នៅក្លឹប Barcelona កីឡាកររូបនេះមិនមានឱកាសច្រើននោះទេក្រោមការគ្រប់គ្រងរបស់លោក Pep Guardiola។ ក្រោយមកកីឡាកររូបនេះត្រូវបានក្លឹប Benfica និងក្លឹប Fiorentina ខ្ចីជើង មុននឹងត្រលប់ទៅក្លឹប Coritiba វិញ។ 
 Keirrison Benfica
Keirrison de Souza Carneiro
ប្រែសម្រួលដោយ៖ រិទ្ធី
ប្រភព៖ Football Forward Thailand

 

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត