សុីហ្គេម៖ ប្រតិភូកីឡាសីប៉ាក់តាក្រកម្ពុជាចេញដំណើរទៅម៉ាឡេសុីហើយកាលពីព្រឹកមិញ

នូ មករា August 14, 2017


ភ្នំពេញ៖ យោងតាមការផ្សព្វផ្សាយនៅលើបណ្តាញសង្គមហ្វេសប៊ុករបស់អគ្គនាយកដ្ឋានកីឡានៃក្រសួងអប់រំយុវជន និងកីឡា បានឲ្យដឹងថា ប្រតិភូកីឡាសីប៉ាក់តាក្រកម្ពុជាបានចេញដំណើរទៅកាន់ប្រទេសម៉ាឡេសុីហើយកាលពីព្រឹកថ្ងៃ១៤ ខែសីហានេះ ដើម្បីត្រៀមខ្លួនសម្រាប់ការប្រកួតក្នុងព្រឹត្តិការណ៍សុីហ្គេមលើកទី២៩ ដែលនឹងប្រព្រឹត្តទៅនៅទីក្រុងកូឡាឡាំពួរនាសប្តាហ៍នេះ ។ នៅក្នុងឱកាសនោះដែរ ក៏មានជូនដំណើរពីសំណាក់លោក សំ សុខ​យី តំណាងលោក ប៉ុន សុខ ប្រធាន​មជ្ឈមណ្ឌល​ជាតិ​ហ្វឹកហ្វឺន​កីឡា​រួមជាមួយក្រុមការងារជាច្រើននាក់ទៀតផងដែរ ។
គួររំលឹកដែរថា កាលពីព្រឹត្តិការណ៍សុីហ្គេមឆ្នាំ២០១៥ កន្លងទៅនាប្រទេសសិង្ហបុរី ក្រុមកីឡា​សី​ប៉ា​ក់តា​ក្រ ឬកីឡាឈិនឡូន​របស់​កម្ពុជាបានឈ្នះមេដាយមាសបន្ទាប់ពីបានយកឈ្នះ​លើ​ក្រុម​ម៉ាឡេសុីរួចមក ៕

អត្ថបទ៖ មករា

មតិយោបល់