ផាន ផាត់យុទ្ធ ណាត់ ម៉ន វីរៈ សាកកម្លាំងលើសង្វៀនទូរទស្សន៍ប៉ុស្ដិ៍លេខ៥ នៅថ្ងៃសៅរ៍នេះ

នូ មករា August 2, 2017


ភ្នំពេញ៖ នៅលើសង្វៀនទូរទស្សន៍ប៉ុស្ដិ៍លេខ៥ នាយប់ថ្ងៃទី៥ ខែសីហាខាងមុខនេះ អ្នកប្រដាល់ផាន ផាត់យុទ្ធ មកពីក្លិបសាលវ័ន្តកីឡាបានប្រកាសថានឹងឡើងប្រកួតជាមួយអ្នកប្រដាល់ម៉ន វីរៈ មកពីក្លិបការិយាល័យទី៥ កងទ័ពជើងគោក ។ នេះគឺជាជំនួបរវាងអ្នកខ្លាំងទម្ងន់ស្រាលជាមួយអ្នកខ្លាំងទម្ងន់ស្រាលដូចគ្នា ដោយ វីរៈ ជាអ្នកប្រដាល់មួយរូបដែលមានផ្លែវាយល្អ រហ័ស ទាំងកែង ជង្គង់ កណ្ដាប់ដៃហើយក៏ខូចខាងពូកែវាយបន្ថែមលើគូប្រកួតដែរ ។ យ៉ាងណាក៏ដោយ អ្នកប្រដាល់រូបនេះមានការស្រុតចុះច្រើនមួយរយៈនេះ ដូច្នេះហើយទើបនៅពេលប្រកួតគេព្យាយាមវាយសម្រុកលើគូប្រកួតតាំងពីដើមទឹកទី១ ទៅក្នុងបំណងផ្ដួលគូប្រកួតឲ្យបានរហ័សតែបើគូប្រកួតមិនដួលទេនោះចាប់ពីទឹកទី៣ ទៅកម្លាំងគេក៏ចាប់ស្រុតចុះគេក៏លេងស្នៀតបែរខ្នងឲ្យគូប្រកួតវាយតែម្ដង ។ 

ចំពោះ ផាន ផាត់យុទ្ធ វិញការវាយចេញរបស់គេមិនសូវជារហ័សនោះទេប៉ុន្តែធ្ងន់ៗមិនតែប៉ុណ្ណោះគេមានកម្លាំងអស្ចារ្យ ហើយការវាយចេញភាគច្រើនចំគោលដៅបានល្អ ។ អ្នកប្រដាល់រូបនេះមានកម្លាំងអាចវាយបាន ៥ ទឹកដោយគ្មានបញ្ហាអ្វីទាំងអស់ ។ ការជួបគ្នារវាងអ្នកប្រដាល់ទាំង ២ រូបនេះមិនដឹងថាជ័យជំនះជារបស់ម៉ន វីរៈ ឬ ជារបស់ផាន ផាត់យុទ្ធនោះឡើយ ព្រោះពួកគេសុទ្ធតែមានឱកាសដើម្បីឈ្នះដូចគ្នាៗ ៕

អត្ថបទ៖ វ៉ាន្នី

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត