AFC U-23៖ តើកម្ពុជា មានលទ្ធភាពយក ៣ពិន្ទុពីជប៉ុនបានទេល្ងាចនេះ?

នូ មករា July 21, 2017


ភ្នំពេញ៖ ក្រុមជម្រើសជាតិក្រោមអាយុ ២៣ឆ្នាំកម្ពុជា នឹងត្រូវជួបក្រុមខ្លាំង U-23ជប៉ុន នាវេលាម៉ោង ៦៖៣០នាទីល្ងាចថ្ងៃទី២១ ខែកក្កដា ឆ្នាំ២០១៧នេះ លើទីលានពហុកីឡដ្ឋានជាតិ នៅក្នុងវគ្គជម្រុះពានរង្វាន់ AFC U-23 Championship 2018 ពូលJ ។ ក្រុម U-23កម្ពុជា បានធ្វើឲ្យអ្នកគាំទ្រជាតិ និងអន្ដរជាតិភ្ញាក់ផ្អើលរួចមកហើយ តាមរយៈការទប់ទល់ស្មើចិន ០-០ កាលពីម្សិលម្ងៃ ។
ប៉ុន្ដែល្ងាចនេះ រឹតតែធ្ងន់ធ្ងរចំពោះក្រុមម្ចាស់ផ្ទះកម្ពុជា ដែលត្រូវប្រឈមមុខជាមួយជប៉ុន ដែលទើបបង្ហាញភាពខ្លាំង ក្រោយបំបាក់ហ្វីលីពីន ៨-០ ។ តាមការប៉ាន់ស្មានសមត្ថភាពកម្ពុជា និងហ្វីលីពីន គេមើលឃើញថា កម្ពុជាទំនងក៏មិនមែនជាដៃគូក្នុងការដណ្ដើមយក ៣ពិន្ទុពីជប៉ុនដែរ ។ ប៉ុន្ដែផ្ទុយពីទស្សនៈរបស់អ្នកគាំទ្រ លោក Leonardo Vitorino គ្រូបង្វឹក U23កម្ពុជា មិនញញើតជប៉ុនឡើយ ។
 មិនតែប៉ុណ្ណោះ លោកនៅមានជំនឿចិត្តខ្ពស់ នៅក្នុងការស្វែងរកជ័យជម្នះលើក្រុមជើងខ្លាំងប្រចាំតំបន់អាស៊ីនេះទៀតផង ។ នេះបើតាមការលើកឡើងក្នុងសន្និសីទសារព័ត៌មាន បន្ទាប់ពីប្រកួតស្មើចិន កាលពីថ្ងៃពុធកន្លងទៅ ។
 ដូច្នេះចាំមើល តើក្រុមគោព្រៃកម្ពុជា អាចធ្វើល្អដូចកាលជួបក្រុមយក្សចិន ដើម្បីប្រជែង ៣ពិន្ទុពីក្រុមខ្លាំងជប៉ុនបានដែរ ឬក៏យ៉ាងណា? ថ្ងៃនេះដែរ មុនឈានដល់ការប្រកួតដ៏កក្រើកនេះ ក្រុមក្រុមជម្រើសជាតិក្រោមអាយុ ២៣ឆ្នាំចិន នឹងត្រូវជួបក្រុម U-23ហ្វីលីពីន នាវេលាម៉ោង ៣៖៣០នាទីរសៀលនេះ នៅលើទីលានពហុកីឡដ្ឋានជាតិ ហើយការប្រកួតទាំង ២គូ ក៏នឹងមានការផ្សាយផ្ទាល់លើកញ្ចក់ទូរទស្សន៍ BTV-News ផងដែរ ៕
អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត