អបអរសាទរ! U-15កម្ពុជារកបាន ៣ពិន្ទុ ក្រោយលត់ហ្វីលីពីន ៤-០ នៃពាន AFF U-15 នៅថៃ

នូ មករា July 12, 2017


ភ្នំពេញ៖ ទីបំផុតក្រុមជម្រើសជាតិយុវជន U-15កម្ពុជា បានទទួល ៣ពិន្ទុដំបូង នៅក្នុងពានរង្វាន់ 2017 AFF U-15 Championships ហើយ ក្រោយលត់ក្រុមយុវជន U-15ហ្វីលីពីន ដោយលទ្ធផល ៤-០ មុននេះបន្ដិច នៅកីឡដ្ឋាន Chunbori ប្រទេសថៃ ។ ការប្រកួតនេះក្រុមយុវជន U-15កម្ពុជា ដែលដឹកនាំដោយលោក Lee Tae Hoon ធ្វើបានយ៉ាងល្អនៅតង់ទី១ ដោយបានបំប៉ោងសំណាញ់ទីក្រុម U-15ហ្វីលីពីន ៣-០ មុននឹងបន្ថែម ១គ្រាប់ទៀត នៅតង់ទី២ ។

រីឯក្រុមយុវជនមាឌធំហ្វីលីពីន ក៏បានព្យាយាមវាយបកយ៉ាងខ្លាំងផងដែរ ប៉ុន្ដែមិនអាចទម្លាយរបាំងការពារដ៏រឹងមាំរបស់ក្រុមគោព្រៃវ័យក្មេងកម្ពុជានេះបានឡើយ ។ នេះគឺជាជ័យជម្នះលើកដំបូងរបស់ក្រុមយុវជន U-15កម្ពុជា ក្រោមចាញ់ក្រុមយុវជនវៀតណាមកាលពីដើមសប្ដាហ៍កន្លងទៅ ។ បន្ទាប់ពីការប្រកួតនេះ ក្រុមយុវជន U-15កម្ពុជា នឹងបន្ដជួបក្រុម U-15ទីម័រខាងកើតវិញម្ដង នៅថ្ងៃទី១៤ ខែកក្កដាខាងមុខ នៅលើទឹកដីប្រទេសថៃជាម្ចាស់ផ្ទះដដែល ៕ អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត