កីឡាករ-កីឡាការិនីវ៉ូវីណាម ១៣នាក់ទៅហាត់នៅវៀតណាមត្រៀមចូលរួមប្រកួតជើងឯកពិភពលោក

នូ មករា July 12, 2017


ភ្នំពេញ៖ កាលពីថ្ងៃទី១១ ខែកក្កដាម្សិលមិញនេះក្រុមកីឡាវ៉ូវីណាមកម្ពុជា ១៣រូបរួមជាមួយគ្រូបង្វឹកមួយរូបបានចេញដំណើរទៅកាន់ប្រទេសវៀតណាមហើយដើម្បីហ្វឹកហាត់នៅទីនោះរយៈពេល ២០ថ្ងៃក្នុងដំណាក់កាលត្រៀមចេញទៅប្រកួតជើងឯកពិភពលោកនៅប្រទេសឥណ្ឌា ។ លោកអ៊ុក សិទ្ធិជាតិ អគ្គនាយកកីឡា និងលោកឧកញ៉ារ័ត្ន សុខន ប្រធានសហព័ន្ធកីឡាវ៉ូវីណាមកម្ពុជាបានមកជូនដំណើរកីឡាករកីឡាការិនីដល់ពហុកីឡដ្ឋានជាតិអូឡាំពិកផងដែរ ។

លោកទេព ជីវសុខុម ដែលជាគ្រូបង្វឹក និងជាអ្នកដឹកនាំកីឡាករទៅហាត់នៅប្រទេសវៀតណាមនោះបានឲ្យដឹងថាកីឡាករកីឡាការិនីទាំង ១៣រូបនោះមានកីឡាករចំនួន ៨រូប និងកីឡាការិនីចំនួន ៥រូប ។ នៅក្នុងឱកាសនោះដែរ លោកអ៊ុក សិទ្ធិជាតិ បានផ្ដាំផ្ញើថាការចេញទៅហ្វឹកហាត់នេះគឺត្រូវចេះស្រឡាញ់គ្នាដូចពាក្យស្លោកខ្មែរមួយឃ្លាពោលថា «នៅផ្ទះម្ដាយទីទៃនៅព្រៃម្ដាយតែមួយ» ហើយត្រូវខិតខំហ្វឹកហាត់ដើម្បីសម្រេចជោគជ័យឲ្យបាននៅក្នុងការប្រកួតជើងឯកពិភពលោកនៅប្រទេសឥណ្ឌានាពេលខាងមុខ។

ជាមួយគ្នានេះ លោកឧកញ៉ារ័ត្ន សុខន មានជំនឿចិត្តថាក្នុងការប្រកួតជើងឯកឥភពលោកកម្ពុជានឹងដណ្ដើមបានមេដាយជាមិនខាន។ គួរបញ្ជាក់ថាកីឡាករទិន ភាព ដែលគេស្គាល់ជាទូទៅថាសែន រ៉ាឌី នោះធ្លាប់ដណ្ដើមបានមេដាយមាសពិភពលោកមួយគ្រឿងរួចមកហើយនាពេលកន្លងមក ៕

អត្ថបទ៖ វ៉ាន្នី

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត