ពាន RHB Cup៖ បឹងកេត ប៉ះសត្រូវចាស់ ខណៈណាហ្គា ប៉ះក្រុមខ្លាំងជាងមុន!

នូ មករា July 5, 2017


ភ្នំពេញ៖ លទ្ធផលចាប់គូប្រកួតជម្រុះដំណាក់កាលផ្ដាច់ព្រ័ត្រ នៃពានរង្វាន់ RHB Singapore Cup 2017 បានបង្ហាញថា ក្រុមបាល់ទាត់តំណាងឲ្យកម្ពុជា បឹងកេតអែហ្វសុី និងក្រុមណាហ្គាវើល បានជួបក្រុមមកពី ២ប្រទេសផ្សេងគ្នា ដោយក្រុមបឹងកេត ត្រូវជួបក្រុមខ្លាំងជាសត្រូវចាស់របស់ខ្លួន ខណៈណាហ្គាវើល ត្រូវជួបក្រុមខ្លាំងជាងវគ្គជម្រុះដំបូង ។

ពោលគឺក្រុមបឹងកេត ត្រូវជួបក្រុម Global FC របស់ហ្វីលីពីន ដែលជាក្រុមខ្លាំងនឹងធ្លាប់បានយកឈ្នះក្រុមជើងឯកលីគកំពូលកម្ពុជា ២ជំនាន់មួយនេះ នៅក្នុងវគ្គជម្រុះពានរង្វាន់ AFC Cup 2017 ទាំង ២ជើងក្នុងពូលF កាលពីពេលថ្មីៗកន្លងទៅ ដោយចាញ់ក្នុងដី ២-០ និងចាញ់ក្រៅដី ៣-១ ដែលនេះជាសញ្ញាមិនសូវល្អសម្រាប់ក្រុមបឹងកេតឡើយ ។

ដោយឡែកក្រុមណាហ្គាវើលវិញ ត្រូវជួបក្រុម Hougang United ដែលឈរលេខរៀងទី៥ នៃលីគកំពូលសិង្ហបុរី ។ ដៃគូរបស់ក្រុមណាហ្គាវើល នាជំនួបដំណាក់កាលផ្ដាច់ព្រ័ត្រនេះ គឺខ្លាំងជាងក្រុម ដែលត្រូវបានក្រុមណាហ្គាវើល ទម្លាក់ពីវគ្គជម្រុះដំបូង ដែលឈរលេខរៀងទី៧ នៃលីគកំពូលសិង្ហបុរី ។ ដូច្នេះការប្រកួតបើករបស់ក្រុមតំណាងប្រទេសកម្ពុជាទាំង ២ក្រុម សុទ្ធតែប្រឈមនឹងការតានតឹងក្នុងការស្វែងរកជ័យជម្នះ ។ យ៉ាងណាមិញកាលបរិច្ឆេទប្រកួត គណៈកម្មការនូវមិនទាន់ប្រកាសជាផ្លូវការនោះទេ ៕

អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត