ខ្សែប្រយុទ្ធត្រកូល «កែវ» នាំគ្នាចែករំលែកបទពិសោធន៍ និងបច្ចេកទេសដល់យុវជននៅខេត្តសៀមរាប

នូ មករា June 23, 2017


សៀមរាប៖ ក្នងអំឡងពេលស្នាក់នៅក៏ដូចជាដើរកម្សាន្តនៅលើទឹកដីខេត្តសៀមរាបដ៏ល្បីល្បាញនោះ កីឡាកររបស់ក្លឹបភ្នំពេញក្រោន កែវ សុខង៉ន និងកែវ សុខផេង បានចំណាយពេលវេលាដើម្បីចូលរួមចែករំលែកពីបទពិសោធន៍ និងបច្ចេកទេសខ្លះៗដល់យុវជនដែលនិយមកីឡាបាល់ទាត់នៅក្នុងខេត្តទេសចរណ៍មួយនេះនៅលើទីលានហ្វូតសាលមួយកន្លែងកាលពីថ្ងៃទី២២ ខែមិថុនា​ម្សិលមិញ ។ 

ខ្សែប្រយុទ្ធកែវ សុខផេង បានថ្លែងប្រាប់ពីដឹកដីអង្គរមកថា៖ «ខ្ញុំពិតជាមានក្តីរីករាយយ៉ាងខ្លាំងដែលបានចូលរួមជាមួយយុវជន និងកីឡាករមួយចំនួន នៅ Y.E.S Football Academy ដើម្បីបង្ហាញដល់ពួកគេនូវបច្ចេកទេសខ្លះៗនៃកីឡាបាល់ទាត់ ក៏ដូចជាបានចែករំលែកបទពិសោធន៍ដែលខ្ញុំ និងបងប្រុសធ្លាប់បានឆ្លងកាត់កន្លងមកទាំងនៅក្នុងកម្រិតក្លឹបក្នុងស្រុក ក្រៅស្រុក និងក្នុងក្រុមជម្រើសជាតិកម្ពុជាជាដើម ។»

សមាជិកក្រុមជម្រើសជាតិដែលមានដើមកំណើតមកពីខេត្តក្រចេះរូបនេះបានបន្ថែមថា៖ «ទោះបីជាមានរយៈពេលខ្លីមែន ប៉ុន្តែយើងបានកសាងនូវចំណងមិត្តភាពដ៏ល្អជាមួយគ្នា ជាពិសេសខ្ញុំសង្ឃឹមថា នឹងអាចវិលត្រលប់មកចូលរូមក្នុងកម្មវិធីបែបនេះ នៅពេលឆាប់ៗខាងមុខទៀត ព្រោះវាជាផ្នែកមួយដើម្បីជំរុញឲ្យយុវជននៅក្នុងខេត្តសៀមរាបនេះបានចូលរួមក្នុងវិស័យបាល់ទាត់កាន់តែផុសផុល និងជៀសឆ្ងាយពីគ្រឿងញៀន ឬអំពើមិនល្អនានា ។»

សូមបញ្ជាក់ថា ខ្សែប្រយុទ្ធរបស់ក្លឹបភ្នំពេញក្រោនទាំងពីរនាក់បងប្អូននេះ នឹងចំណាយពេលកម្សាន្តលើទឹកដីប្រាង្គប្រាសាទនេះរហូតដល់ចុងសប្តាហ៍នេះ បន្ទាប់ពីបានចូលរួមហ្វឹកហាត់ ព្រមទាំងប្រកួតអន្តរជាតិ ២លើកធំៗ កាលពីដើមខែមិថុនារួចមក ៕

អត្ថបទ៖ មករា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត