Hun Sen Cup៖ អគ្គិសនីកម្ពុជា លត់សៀមរាប ៨-០ ខណៈស្វាយរៀង ឈ្នះព្រៃវែង ៥-៣

នូ មករា May 4, 2017


ភ្នំពេញ៖ លទ្ធផលបើកឆាកដំណាក់កាលទី៣ នៃការប្រកួតបាល់ទាត់ក្របខណ្ឌពានរង្វាន់សម្ដេចតេជោ ហ៊ុន សែន(Hun Sen Cup) ឆ្នាំ២០១៧ បានចេញលទ្ធផលហើយដោយក្រុមអគ្គិសនីកម្ពុជា(EDC) បានយកឈ្នះខេត្តសៀមរាបយ៉ាងចាស់ដៃជាមួយលទ្ធផល ៨-០ ។ រីឯក្រុមម្ចាស់ផ្ទះខេត្តស្វាយរៀង បានយកឈ្នះក្រុមភ្ញៀវខេត្តព្រៃវែង ដោយលទ្ធផល ៥-៣ នាជំនួបជើងទី១ ដែលធ្វើឡើងនៅកីឡដ្ឋានខេត្តស្វាយរៀងកាលពីយប់មិញ ។

សម្រាប់ការបង្ហាញវត្តមានក្នុងដំណាក់កាលទី៣ របស់ក្រុមលំដាប់លីគកំពូលកម្ពុជា អគ្គិសនីកម្ពុជានេះ គឺក្នុងនាមជាសមាជិកក្រុមលំដាប់លីគទី២ ឆ្នាំ២០១៦ ។ ដូច្នេះការយកឈ្នះលើខេត្តសៀមរាប ៨-០ ហាក់មិនសូវមានអ្វីគួរឲ្យភ្ញាក់ផ្អើលនោះទេ ព្រោះកម្រិតក្រុមទាំងពីរខុសឆ្ងាយពីគ្នា ។ ដោយឡែកខេត្តស្វាយរៀង ទោះបីឈ្នះក្ដី ប៉ុន្ដែក៏មិនទាន់ច្បាស់ ១០០% នឹងបានឡើងទៅវគ្គបន្ដដែរ ព្រោះត្រូវឆ្លងកាត់ប្រកួតជើងទី២ លើទឹកដីខេត្តព្រៃវែងវិញម្ដង ។

ចំពោះកម្មវិធីប្រកួតល្ងាចនេះវិញ គឺក្រុមអគ្គស្នងការដ្ឋាននគរបាលជាតិ(ប៉ូលិស) ត្រូវជួបក្រុមវេស្ទើនភ្នំពេញ នៅកីឡដ្ឋានកងយោធពលខេមរភូមិន្ទុ ។ ក្នុងនាមក្រុមលេខ៧ និងលេខ៨ នៃលីគកំពូលកម្ពុជារដូវកាលមុន ក្រុមទាំងពីរ ត្រូវជួបគ្នា ២ជើង ដើម្បីកាត់សេចក្ដីរកក្រុមឡើងទៅដំណាក់កាលទី៤ ។ ចាំមើលល្ងាចនេះ តើប៉ូលិស ឬវេស្ទើន អាចស្វែងរកជ័យជម្នះលើទឹកដីស្ដាតចាស់បានមុននោះ?

អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត