អ្នកប្រដាល់សាកលកម្ពុជា ៤រូបនឹងចេញទៅហ្វឹកហាត់នៅកាហ្សាក់ស្ថាននាពាក់កណ្តាលខែនេះ

នូ មករា May 2, 2017


ភ្នំពេញ៖ អ្នកប្រដាល់សាកលខ្លាំងៗកម្ពុជា ៤រូបនឹងចេញទៅហ្វឹកហាត់នៅប្រទេសកាហ្សាក់ស្ថានចាប់ពីពាក់កណ្ដាលខែឧសភានេះរហូតដល់ព្រឹត្តិការណ៍សុីហ្គេមលើកទី២៩ នៅម៉ាឡេស៊ីចាប់ផ្ដើមតែម្ដង ។ លោកប៊ួយ សោភ័ណ្ឌដែលជាអគ្គលេខាធិការសហព័ន្ធកីឡាប្រដាល់សាកលកម្ពុជាបានប្រាប់ឲ្យដឹងថាលោក បានធ្វើលិខិតស្នើសុំទៅសហព័ន្ធប្រដាល់អន្តរជាតិ (Aiba) ខាងសហព័ន្ធប្រដាល់អន្តរជាតិគេបានព្យាយាមជួយដល់កម្ពុជាហើយទីបំផុតកម្ពុជាត្រូវបានចេញទៅហ្វឹកហាត់នៅសាលាប្រដាល់មួយកម្រិតអន្តរជាតិនាប្រទេសកាហ្សាក់ស្ថានគឺ Aiba World Boxing Academy ។

តាមការគ្រោងទុកពួកគេនឹងចេញដំណើរទៅក្នុងអំឡុងពាក់កណ្ដាលខែឧសភាដោយកម្ពុជាសុំឲ្យគេជួយលើការហូបចុក និងស្នាក់នៅ ចំណែកឯសំបុត្រយន្តហោះវិញសហព័ន្ធសុំទៅក្រសួងអប់រំយុវជន និងកីឡាតាមរយៈគណៈកម្មាធិការជាតិអូឡាំពិកកម្ពុជា។ 

សូមបញ្ជាក់ថា កីឡាករ ៤រូបដែលនឹងត្រូវបញ្ជូនទៅហ្វឹកហាត់រួមមាន៖ កីឡាករ ណាត់ សៀកនិន, កីឡាករ សួន សាមៃ, កីឡាករ វី សុភ័ស្ស និងកីឡាករ សន  ប៊ុនលីស ព្រមទាំងលោកគូ្របង្វឹកមួយរូបគឺលោកវ៉ែន សុផល ។ តាមរយៈនៃការចេញទៅហ្វឹកហាត់នេះគេជឿជាក់ថាសមត្ថភាពអ្នកប្រដាល់កម្ពុជាទាំង ៤រូបនឹងមានការរីកចម្រើនហើយសហព័ន្ធមានជំនឿចិត្តថាពួកគេនឹងអាចដណ្ដើមបានមេដាយនៅក្នុងការប្រកួតកីឡាស៊ីហ្គេមនាខែសីហាខាងមុខនេះជាមិនខាន ៕

អត្ថបទ៖ វ៉ាន្នី

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត