គ្រូបង្វឹក Johor ថា ប៉ះបឹងកេតល្ងាចនេះ គឺជាការកំណត់ជោគវាសនាក្រុមខ្លួន

នូ មករា April 19, 2017


ភ្នំពេញ៖ លោក Benjamin Mora គ្រូបង្វឹកក្រុម Johor Darul Ta’zim បាននិយាយថា ការប្រកួតជាមួយក្រុមម្ចាស់ផ្ទះបឹងកេតអង្គរ លើទីលានពហុកីឡដ្ឋានជាតិ នាវេលាម៉ោង ៦ល្ងាចនេះ គឺជាជំនួបដ៏សំខាន់ ព្រោះវាជាការប្រកួតកំណត់ជោគវាសនាក្រុមខ្លួន ដោយត្រូវការ ៣ពិន្ទុបន្ថែម ដើម្បីកក់កៅអីវគ្គបន្ដ នៃពានរង្វាន់ជើងឯកក្លឹបបាល់ទាត់អាស៊ី AFC Cup 2017 ។
 
ការថ្លែងបែបនេះ បានធ្វើឡើងក្នុងសន្និសីទសារព័ត៌មាន មុនការប្រកួតជើងទី២ នៃពូលF កាលពីម្សិលមិញ ។ លោកបន្ដថា បឹងកេត គឺជាក្រុមល្អមួយ បើទោះបីក្រុមលោកធ្លាប់យកឈ្នះបឹងកេត ៣-០ នៅលើទឹកដីម៉ាឡេស៊ី កាលពីជួបគ្នាជើងទី១ ក៏ដោយ ។ ដូច្នេះល្ងាចនេះ លោកនឹងព្យាយាមជំរុញកូនក្រុមធ្វើឲ្យបានកាន់តែល្អបន្ថែមទៀត ដើម្បីបន្ដដណ្ដើម ៣ពិន្ទុពីក្រុមជើងឯកលីគកំពូលកម្ពុជា បឹងកេតអង្គរ ឲ្យខានតែបាន ។
គួរបញ្ជាក់ថា មកទល់ពេលនេះក្រុម Johor Darul Ta’zim កំពុងឈរចំណាត់ថ្នាក់លេខ២ និងមាន ៧ពិន្ទុក្នុងដៃ តាមពីក្រោយក្រុម Global FC របស់ហ្វីលីពីន ដែលឈរកំពូលតារាង និងមាន ៩ពិន្ទុ ។ រីឯក្រុមបឹងកេតអង្គរ កំពុងឈរចំណាត់ថ្នាក់លេខ៣ និងមាន ៤ពិន្ទុ ក្រោយឆ្លងកាត់ ៤ប្រកួតឈ្នះ១ ស្មើ១ និងចាញ់២ ហេតុនេះក្រុមបឹងកេត និងក្រុម Johor Darul Ta’zim សុទ្ធតែត្រូវការ ៣ពិន្ទុបន្ថែមរៀងៗខ្លួន ៕
អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត