AFC Cup៖ ស៊ូ យ៉ាទី ចង់ឈ្នះក្រុម Johor នៅចំពោះមុខអ្នកគាំទ្រនាជំនួបជើងទី២ ស្អែកនេះ!

នូ មករា April 18, 2017


ភ្នំពេញ៖ ក្រុមបាល់ទាត់បឹងកេតអង្គរ នឹងត្រូវជួបក្រុមជើងខ្លាំងម៉ាឡេស៊ី Johor Darul Ta’zim នាវេលាម៉ោង ៦ល្ងាចស្អែកនេះ នៅក្នុងជំនួបជើងទី២ នៃវគ្គជម្រុះពានរង្វាន់ AFC Cup 2017 ពូលF លើទីលានពហុកីឡដ្ឋានជាតិ ប៉ុន្តែមុនការប្រកួតមកដល់អ្នកចាំទីឆ្នើមរបស់បឹងកេត ស៊ូ យ៉ាទី បានបង្ហើបពីបំណងធំមួយដោយគេចង់ឃើញអ្នកគាំទ្រដ៏ច្រើនកុះករទស្សនាការប្រកួតនេះ ព្រោះជាក្ដីប្រាថ្នាចង់យកឈ្នះលើអតីតក្រុមជើងឯក AFC Cup 2015 នេះ ។

ស៊ូ យ៉ាទី បាននិយាយថា៖ «ការប្រកួតទល់នឹងក្រុម Johor ពិតជាមិនងាយស្រួលឡើយសម្រាប់យើង ជាពិសេសជើងទី១ ក្នុងការប្រកួតបើកឆាកពូលF យើងត្រូវប្រឈមនឹងក្រុមដែលមានកម្រិតនៃការលេងល្អជាងយើង ជាពិសេសពួកគេមានអ្នកគាំទ្រពេញកីឡដ្ឋាន ហើយស្រែកហ៊ោរលើកទឹកចិត្តស្ទើពេញ ៩០នាទី ។ ដូច្នេះសម្រាប់ជំនួបជើងទី២ នៅថ្ងៃពុធនេះរឿងទីមួយ ដែលខ្ញុំចង់ឈ្នះពួកគេ គឺឃើញវត្តមានរបស់អ្នកគាំទ្រទាំងអស់គ្នាឲ្យបានច្រើនកុះករនៅពហុកីឡដ្ឋានជាតិ ហើយពួកយើងនឹងព្យាយាមដើម្បីស្វែងរកលទ្ធផលល្អមួយជូនអ្នកទាំងអស់គ្នា» ។

គួរបញ្ជាក់ថា កាលពីជួបគ្នាជើងទី១ ក្រៅទឹកដីក្រុមបឹងកេត បានបរាជ័យក្រោមថ្វីក្រុមម្ចាស់ផ្ទះ Johor ដោយលទ្ធផល ៣-០ ហើយបច្ចុប្បន្នក្រុមបឹងកេតអង្គរ កំពុងឈរលេខរៀងទី៣ បណ្ដោះអាសន្ន និងមាន ៤ពិន្ទុក្នុងដៃជាមួយលទ្ធផល ៤ប្រកួតឈ្នះ១ ស្មើ១ និងចាញ់២ តាមពីក្រោយក្រុម Johor Darul Ta’zim កំពុងឈរលេខរៀងទី២ និងមាន ៧ពិន្ទុ ក្រោយបញ្ចប់ការប្រកួត ៤លើកដូចគ្នា ឈ្នះ២ ស្មើ១ និងចាញ់១ ។ នេះជាការប្រកួតទី៥ ក្នុងពូលF ដែលមាន ៤ក្រុមចូលរួម ដូច្នេះបន្ទាប់ពីបញ្ចប់ការប្រកួតនេះ ក្រុមទាំងពីរនៅសល់តែ ១ប្រកួតទៀតប៉ុណ្ណោះ ៕ អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត