សឿត បារាំង និយាយពីឧបសគ្គប៉ះហ្សកដានី ក្នុងពាន Asian Cup 2019

នូ មករា March 31, 2017


ភ្នំពេញ៖ ខ្សែការពារវ័យ ១៧ឆ្នាំរបស់ក្រុមជម្រើសជាតិកម្ពុជា កីឡាករ សឿត បារាំង បានទទួលការចាប់អារម្មណ៍យ៉ាងច្រើនពីសំណាក់អ្នកគាំទ្រ បន្ទាប់ពីកីឡាករមកពីក្លឹបភ្នំពេញក្រោនរូបនេះ ត្រូវបានគ្រូបង្វឹកសញ្ជាតិប្រេស៊ីលលោក Leonardo Luiz ដាក់ឲ្យលេងក្នុងជម្រើស ១១នាក់ដំបូង ពេលជួបប្រកួតផ្លូវការជាមួយក្រុមម្ចាស់ផ្ទះហ្ស៊កដានី នៃវគ្គជម្រុះពានរង្វាន់ Asian Cup 2017 ក៏ដូចជាការប្រកួតមិត្តភាពអន្ដរជាតិជាមួយក្រុមជម្រើសជាតិឥណ្ឌា កាលពីពេលថ្មីៗកន្លងទៅ ។

បន្ទាប់ពីធ្វើដំណើរមកដល់កម្ពុជាជាមួយរៀមច្បងកាលពីល្ងាចមិញ សឿត បារាំង បានប្រាប់ពីឧបសគ្គធំៗចំនួនពីរ បានកើតឡើងក្នុងការប្រកួតជាមួយក្រុមជម្រើសជាតិហ្ស៊កដានី មុននឹងបរាជ័យក្រោមថ្វីជើងម្ចាស់ផ្ទះ ដោយលទ្ធផល ៧-០ ។ បារាំង និយាយថា៖ «ការប្រកួតជាមួយហ្សកដានី ពេលយើងមានបាល់ គឺគេព្យាយាមដណ្ដើមបាល់បានលឿន អត់ឲ្យយើងគ្រប់គ្រងបានយូទេ ។ ហើយមួយទៀត គឺពេលគេលេងបាល់លើ រឹតតែពិបាក ព្រោះគេមានមាឌធំ ហើយខ្ញុំមានមាឌតូចជាងគេ» ។

ទន្ទឹមនឹងការជួបឧបសគ្គខាងលើ សឿត បារាំង ក៏បានបង្ហាញពីការតាំងចិត្ត បន្ដការខិតខំប្រឹងប្រែងហ្វឹកហាត់ឲ្យបានខ្លាំង ដើម្បីទទួលបានឱកាសចូលរួមជាមួយក្រុមជម្រើសជាតកម្ពុជាជាថ្មី និងសម្រេចគោលដៅធំៗរបស់ខ្លួនជាមួយក្រុមជម្រើសជាតិផងដែរ ។ បារាំង បានអះអាងថា សម្រាប់ការប្រកួតក្នុងដីជាមួយហ្សកដានី ខ្លួននឹងព្យាយាមធ្វើឲ្យបានល្អ មិនឲ្យទទួលរងនូវការបរាជ័យដ៏ធ្ងន់ធ្ងរដូចថ្ងៃមុនឡើយ ៕

អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត