ក្រុម U-17​ និង U-15បាទីស្មើមួយ និងចាញ់មួយ ក្នុងការប្រកួតអន្ដរជាតិផ្សេងគ្នានៅជប៉ុន និងថៃ

នូ មករា March 21, 2017


ភ្នំពេញ៖ ក្រុមយុវជនសាលាបាល់ទាត់ជាតិបាទីទាំង ២ក្រុម ដែលកំពុងបំពេញបេសកកម្មនៅប្រទេសជប៉ុន និងប្រទេសថៃ បានបញ្ចប់ការប្រកួតលើកទី២ របស់ខ្លួន ដោយទទួលបានលទ្ធផលខុសគ្នា ក្នុងនោះក្រុមយុវជនក្រោមអាយុ ១៧ឆ្នាំ(U-17)ចាញ់ក្រុមយុវជនម្ចាស់ផ្ទះជប៉ុន ខណៈក្រុមយុវជនអាយុក្រោម ៥ឆ្នាំស្មើក្រុមយុវជនជប៉ុនដូចគ្នា ក្នុងព្រឹត្តិការណ៍ ASEAN Dream Football Tournament 2017 នៅប្រទេសថៃ ។

សម្រាប់ក្រុមយុវជន U-17បាទី គឺបានប្រកួតចាញ់ក្រុមយុវជន Selection of Ibaraki U16 របស់ជប៉ុន ដោយលទ្ធផល ៤-១ ក្នុងជំនួបមិត្តភាពអន្ដរជាតិកាលពីព្រឹកមិញ ។ នេះគឺជាការប្រកួតទី២ របស់ក្រុមតំណាងកម្ពុជានៅលើទឹកដីជប៉ុន បន្ទាប់ពីយកឈ្នះក្រុម Kashima Junior Youth U16 ដោយលទ្ធផល ៦-១ កាលពីចុងសប្ដាហ៍មុនរួចមក ។

ចំណែកក្រុម U-15បាទី ដែលដឹកនាំដោយលោក Lee Tae Hoon នៅតែធ្វើបានល្អ ដោយបានប្រកួតស្មើក្រុមយុវជន Tokyo Verdy របស់ជប៉ុន នៅលើទឹកដី ដោយលទ្ធផល ០-០ នៃពានរង្វាន់ ASEAN Dream Football Tournament 2017 ។ នេះជាការប្រកួតទី២ របស់ក្រុមថ្នាលយុវជនវ័យក្មេងកម្ពុជានេះ ខណៈការប្រកួតទី១ បានយកឈ្នះក្រុម Ubon UTM Thailand របស់ម្ចាស់ផ្ទះ ដោយលទ្ធផល ៣-១ កាលពីម្សិលមិញ ៕

អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត