ខ្លាំងមែន! ត្រឹម ១២នាទីយុវជន ប៊ុនណារ៉ុង ជួយក្រុម U-15កម្ពុជា លត់ម្ចាស់ផ្ទះថៃ ៣-១

នូ មករា March 20, 2017


ភ្នំពេញ៖ បន្ទាប់ពីក្រុមយុវជនសាលាបាល់ទាត់ជាតិបាទីអាយុក្រោម ១៧ឆ្នាំ(U-17) បានលត់ក្រុមម្ចាស់ផ្ទះជប៉ុន ៦-១ កាលពីម្សិលមិញរួចមក កាលពីព្រឹកមិញនេះក្រុមយុវជន U-15បាទីមួយក្រុមទៀត បានលត់ក្រុមយុវជន Ubon UTM Thailand របស់ម្ចាស់ផ្ទះថៃវិញម្ដង ជាមួយលទ្ធផល ៣-១ នៅក្នុងជំនួបបើកឆាកពូលD នៃពានរង្វាន់ ASEAN Dream Football Tournament 2017 នៅប្រទេសថៃ ។

ប៉ុន្ដែអ្វីដែលគួរឲ្យចាប់អារម្មណ៍នោះ គឺគ្រាប់បាល់ជ័យជម្នះរបស់ក្រុម U-15បាទីនេះ ធ្វើសម្រេចដោយកីឡាករ ប៊ុនធឿន ប៊ុនណារ៉ុង ទាំង ៣គ្រាប់ក្នុងរយៈត្រឹមតែ ១២នាទីប៉ុណ្ណោះ ចាប់ពីនាទីទី២០ ដល់នាទីទី៣២ ក្នុងតង់ទី១ ។ ចំណែកក្រុមយុវជន Ubon UTM Thailand ក៏ព្យាយាមវាយបកផងដែរ ប៉ុន្ដែធ្វើបានសម្រេចត្រឹមតែ ១គ្រាប់ប៉ុណ្ណោះ ។
គួរបញ្ជាក់ថា បច្ចុប្បន្នលោក Lee Tae Hoon អតីតគ្រូបង្វឹកក្រុមជម្រើសជាតិ កំពុងដឹកនាំក្រុម U-15បាទី ចូលរួមប្រកួតពានរង្វាន់ ASEAN Dream Football Tournament 2017 នៅប្រទេសថៃ ចាប់ពីថ្ងៃទី២០ ដល់ថ្ងៃទី២៦ ខែមីនានេះ នៅក្នុងស្ថិតក្នុងពូលD ជាមួយក្រុមយុវជន Suphanburi FC, ក្រុម Bangkok Christian College FC, ក្រុម U-14 Ubon UMT និងក្រុម Songkhla Soccer Association របស់ថៃ រួមទាំងក្រុមយុវជន Tokyo Verdy របស់ជប៉ុន ៕ អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត