ការពារជាតិ លត់ បឹងកេតអង្គរ ៣-០ រក្សាកំណត់ត្រាឈ្នះជើងទី១

នូ មករា March 1, 2017


ភ្នំពេញ៖ ក្រុមក្រសួងការពារជាតិ បានធ្វើឲ្យអ្នកគាំទ្រខ្លួនពេញចិត្តជាខ្លាំង ក្រោយលត់ក្រុមបឹងកេតអង្គរ ដោយលទ្ធផល ៣-០ ដើម្បីរក្សាកំណត់ឈ្នះជើងទី១ លើក្រុមការពារតំណែងជើងឯកនេះ នៃលីគកំពូលកម្ពុជា ឆ្នាំ២០១៧ ដែលទើបបញ្ចប់ការប្រកួតមុននេះបន្ដិច នៅលើទីលានពហុកីឡដ្ឋានជាតិ ខណៈកាលពីជួបគ្នាជើងទី១ រដូវកាលមុន ក្រសួងការពារជាតិ បានទទួលជ័យជម្នះក្នុងទឹកដីដោយលទ្ធផល ២-១ ។

គ្រាប់បាល់ជ័យជម្នះរបស់ក្រសួងការពារជាតិ គឺកើតឡើងនៅតង់ទី១ ដែលធ្វើសម្រេចដោយកីឡាករកូរ៉េខាងជើង Choe Myong Ho ចំនួន ២គ្រាប់នៅនាទីទី១០ និងនាទីទី១៣ និងកីឡាករវ័យក្មេង ច្រឹង ពលរដ្ឋ រកបានគ្រាប់បាល់ទី៣ នៅនាទីទី៣០ ។ ដោយឡែកក្រុមបឹងកេតអង្គរ ក៏មានឱកាសម្ដងម្កាលផងដែរ ប៉ុន្ដែធ្វើមិនបានសម្រេចឡើយ ដោយាសារការរារាំងដ៏ល្អពីសំណាក់ខ្សែការពារក្រុមក្រសួងការពារជាតិ  ។

គួរបញ្ជាក់ថា ក្រោយទទួលបានជ័យជម្នះលើកនេះ ក្រុមក្រសួងការពារជាតិ បានឡើងទៅឈរចំណាត់ថ្នាក់លេខ៤ ជាបណ្ដោះអាសន្ន បន្ទាប់ពីបញ្ចប់ការប្រកួត ២លើកឈ្នះ១ និងស្មើ១ ដើម្បីទទួលបាន ៤ពិន្ទុ ។ ចំណែកក្រុមជើងឯកឆ្នាំចាស់បឹងកេតអង្គរ បានរក្សាចំណាត់ថ្នាក់លេខ៩ ក្នុងតារាងពិន្ទុដដែល ក្រោយឆ្លងផុត ២ប្រកួតដូចគ្នាស្មើ១ និងចាញ់១ ៕

អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត