AFC Cup៖ បឹងកេត ប៉ះម្ចាស់ផ្ទះម៉ាឡេស៊ី បើកឆាកពូលF ស្អែកនេះ BTV នឹងផ្សាយបន្ដផ្ទាល់

នូ មករា February 20, 2017


ភ្នំពេញ៖ ក្រុមបាល់ទាត់បឹងកេតអង្គររបស់កម្ពុជា បានធ្វើដំណើរទៅដល់ប្រទេសម៉ាឡេស៊ីហើយ កាលពីចុងសប្ដាហ៍កន្លងទៅ ហើយក៏បាននឹងកំពុងហ្វឹកហាត់នៅទីនោះ ដើម្បីត្រៀមប្រកួតបើកឆាកពូលF ដោយជួបក្រុមម្ចាស់ផ្ទះ Johor Darul Ta’zim នាវេលាម៉ោង ៧៖៤៥នាទីយប់ថ្ងៃទី២១ ខែកុម្ភៈ ឆ្នាំ២០១៧ស្អែកនេះ នៅកីឡដ្ឋាន Tan Sri Dato Haji Hassan Yunos ។

លើសពីនេះក៏មានការផ្សាយបន្ដផ្ទាល់ពីក្រុមការងារទូរទស្សន៍ BTV-News ផងដែរ ។ គួរបញ្ជាក់ថា មុនកើតមានការប្រកួតស្អែកនេះ ក្រុមបឹងកេតអង្គរបានឆ្លងកាត់ការប្រកួតជម្រុះ ២ជើងជាមួយក្រុម Lao Toyota របស់ឡាវ ហើយបានយកឈ្នះក្នុងលទ្ធផល ២-១ ។ ចំណែកកីឡាករបឹងកេតអង្គរ ២រូប គឺមានខ្សែការពារ ស៊ុន សុវណ្ណរិទ្ធី និងអ្នកចាំទី ស៊ូ យ៉ាទី ដែលត្រូវបានអាជ្ញាកណ្ដាលពិន័យកាតក្រហមក្នុងការប្រកួតជម្រុះនេះ ឥលូវបានរួចពិន័យហើយ ដើម្បីជួយមិត្តរួមក្រុមក្នុងជំនួបជាមួយក្រុម Johor Darul Ta’zim នាថ្ងៃស្អែក បើទោះបី ស៊ូ យ៉ាទី ត្រូវបាន AFC ប្រកាសពិន័យជាសាច់ប្រាក់ ១,០០០ដុល្លារទៀតក៏ដោយ ។

គួរបញ្ជាក់ថា ពូលF នៃពានរង្វាន់លំដាប់ទី២ ប្រចាំទ្វីបអាស៊ីនេះ គឺមមាន ៤ក្រុម ដូចជាក្រុមបឹងកេតអង្គររបស់កម្ពុជា, ក្រុម Johor Darul Ta’zim របស់ម៉ាឡេស៊ី, ក្រុមខ្លាំងហ្វីលីពីន Global និងក្រុម Magwe របស់មីយ៉ាន់ម៉ា ហើយក្រុមនីមួយៗត្រូវធ្វើការប្រកួតវិលជុំចំនួន ២ជើង ដើម្បីសន្សំពិន្ទុ បើក្រុមណាឈរកំពូលតារាងចំនួន ២ក្រុមនឹងឡើងទៅវគ្គខ្វែងពូល ពោលគឺក្រុមលេខ១ និងលេខ២ ពូល G, H និងពូល I ត្រូវជួបគ្នា ដើម្បីដណ្ដើមកៅអីវគ្គបន្ដ ៕

អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត