បឹងកេត ប៉ះទ័ពយប់មិញ រកបានថវិកា ៣១ លានរៀលជួយអង្គការមូលនិធិកុមារកម្ពុជា

នូ មករា February 13, 2017


ភ្នំពេញ៖ ការប្រកួតបាល់ទាត់ដណ្ដើមពានរង្វាន់សប្បុរសធម៌ CNCC Charity Cup 2017 រវាងក្រុមជើងឯកលីគកំពូលកម្ពុជា បឹងកេតអង្គរ និងក្រុមក្រសួងការពារជាតិ ជើងឯកពានរង្វាន់ Hun Sen Cup ដែលរៀបចំដោយគណៈកម្មការប្រកួតបាល់ទាត់ជាតិ(CNCC) នៅលើទីលានពហុកីឡដ្ឋានជាតិកាលពីយប់មិញនេះ គឺបានប្រមូលថវិកាសប្បុរសធម៌សរុបចំនួន ៣១,០០០,០០០រៀល សម្រាប់បរិច្ចាគជូនដល់អង្គការមូលនិធិកុមមារកម្ពុជា (Cambodian Children’s Fund) ។

ពានរង្វាន់សប្បុរសធម៌លើកទី១នេះ ក្រុមបឹងកេតអង្គរ បានលត់ក្រសួងការពារជាតិ ដោយលទ្ធផល ៣-០ ។ ថ្វីត្បិតជាការប្រកួតលក្ខណៈមិត្តភាពក្ដី ប៉ុន្ដែការប្រកួតនេះបានបញ្ចប់ដោយភាពតានតឹងបំផុត ។ គ្រាប់បាល់ជ័យជម្នះរបស់បឹងកេត គឺកើតឡើងក្នុងតង់ទី១ ធ្វើសម្រេចដោយកីឡាករ ឃួន ឡាបូរ៉ាវី ២គ្រាប់ និងកីឡាករជប៉ុន Tomoki ១គ្រាប់ ។ រីឯក្រុមក្រសួងការពារជាតិ ក៏ព្យាយាមវាយបកដែរ តែធ្វើមិនបានស្រេច ហើយថែមទាំងត្រូវអាជ្ញាកណ្ដាលពិន័យកាតក្រហមកីឡាករកូរ៉េខាងជើងម្នាក់នៅចុងម៉ោងទៀតផង ។ ប៉ុន្ដែអ្វីដែលរីករាយ គឺការប្រកួតដើម្បីអបអរការត្រៀមបើកបើករដូវកាលថ្មី នៃការប្រកួតលីគកំពូលកម្ពុជា ឆ្នាំ២០១៧នេះ បានទទួលការចូលរួមពីអ្នកគាំទ្រជាច្រើន ហើយមានសប្បុរសជនជាច្រើន បានរួមចំណែកជាមួយមូលនិធិសប្បុរសធម៌ពីលើការលក់សំបុត្រ ដោយសរុបជាថវិកាទទួលបានពីការប្រកួតនេះមានចំនួន ៣១,០០០,០០០រៀល សម្រាប់ជួយដល់អង្គការមូលនិធិកុមារកម្ពុជា ។ លើសពីនេះតំណាង CNCC ក៏បានប្ដេជ្ញាចិត្តបន្ដរៀបចំឲ្យមានព្រឹត្តិការណ៍នេះជារៀងរាល់ឆ្នាំទៀតផងដែរ ៕

អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត