AFC Cup៖ កែវ សុខផេង ថាប៉ះ Home United ល្ងាចនេះ គឺជាប្រកួតដ៏សំខាន់បំផុត!

នូ មករា January 30, 2017


ភ្នំពេញ៖ កីឡាករស្នូលរបស់ក្រុមបាល់ទាត់ភ្នំពេញក្រោន កែវ សុខផេង បានលើកឡើងថា ជំនួបជើងទី១ ពានរង្វាន់ AFC Cup 2017 ជាមួយក្រុម Home United របស់សិង្ហបុរីល្ងាចនេះ គឺជាការប្រកួតដ៏សំខាន់ និងត្រូវការឈ្នះដាច់ខាត ដើម្បីងាយស្រួលក្នុងការប្រកួតក្រៅដីជើងទី២ នៅថ្ងៃទី០៧ ខែកុម្ភៈ ឆ្នាំ២០១៧ខាងមុខ ។  ថ្លែងក្នុងសន្និសីទមុនការប្រកួតពីម្សិលមិញខ្សែប្រយុទ្ធវ័យ ២៤ឆ្នាំរូបនេះ បាននិយាយថា «ការប្រកួតជើងទី១នេះ គឺសំខាន់បំផុត ហើយជើងទី២ ក៏សំខាន់ដូចគ្នា ប៉ុន្ដែយើងត្រូវការជ័យជម្នះជើងទី១ ដើម្បីងាយស្រួលពេលប្រកួតលើទឹកដីរបស់សិង្ហបុរីវិញ យើងងាយក្នុងការពង្រឹងតំបន់ការពារ ដើម្បីស្វែងរកកៅអីវគ្គបន្ដនៃពានរង្វាន់ AFC Cup 2017 នេះ» ។ ប៉ុន្ដែទន្ទឹមនឹងលើកឡើងខាងលើ កីឡាករមកដើមកំណើតមកពីខេត្តក្រចេះរូបនេះ ក៏បានបង្ហាញពីក្ដីបារម្ភមួយចំនួន ពាក់ព័ន្ធនឹងកីឡាករវ័យក្មេងក្នុងក្រុមផងដែរ ។ សុខផេង បានបន្ថែមថា មួយរយៈចុងក្រោយនេះ ដោយសារការពុំទាន់លេងត្រូវគ្នា ណាមួយកីឡាករក្មេងៗ ដូច្នេះទម្រង់លេងមិនទាន់ល្អប្រសើរនោះទេ ប៉ុន្ដែក្រោយការបោះជំរុំហ្វឹកហាត់មួយសប្ដាហ៍នៅសាលាបាល់ទាត់ជាតិបាទី ទើបទម្រង់លេងមានភាពល្អប្រសើរវិញ ។ ជាមួយគ្នានោះណាលោក សែម សំណាង គ្រូបង្វឹកក្រុមភ្នំពេញក្រោន បានទទួលស្គាល់ពីសមត្ថភាពរបស់ក្រុម Home United ថាជាក្រុមខ្លាំង និងធ្លាប់មានបទពិសោធន៍លេងក្នុងពាន AFC Cup ជាច្រើនលើក ។ ចំណែកភ្នំពេញក្រោនមានកីឡាករក្មេងៗច្រើន ហេតុនេះវាគឺជាការពិបាកខ្លាំងណាស់ សម្រាប់ការប្រកួតជើងទី១ ជាមួយក្រុម Home United ល្ងាចនេះ ៕

អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត