កម្ពុជាមាន Ranking ទាបជាងគេក្នុងពូលC នៃពាន AFC Asian Cup 2019

នូ មករា January 24, 2017


ភ្នំពេញ៖ សម្រាប់លទ្ធផលនៃការចាប់ឆ្នោតបែងចែកពូក សម្រាប់វគ្គជម្រុះជុំទី៣ នៃពានរង្វាន់ពានរង្វាន់ជើងឯកប្រចាំទ្វីបអាស៊ី AFC Asian Cup UAE 2019 កាលពីយប់មិញ ក្រុមជម្រើសជាតិកម្ពុជា ស្ថិតក្នុងពូលC ជាមួយក្រុមសុទ្ធតែខ្លាំងៗ ពោលគឺបើគិតពីចំណាត់ថ្នាក់ពិភពលោក (FIFA Ranking) វិញ គឺក្រុមគោព្រៃកម្ពុជានេះ មានចំណាត់ថ្នាក់ទាបជាងគេបំផុតក្នុងពូល ។

ក្រុមជម្រើសជាតិកម្ពុជា ដែលកំពុងឈរចំណាត់ថ្នាក់លេខ១៧២ ពិភពលោក ស្ថិតពូលជាមួយក្រុមជម្រើសជាតិហ្សកដានី មានចំណាត់ថ្នាក់លេខ១០៧, ក្រុមជម្រើសជាតិវៀតណាម មានចំណាត់ថ្នាក់លេខ១៣៦ និងក្រុមជម្រើសជាតិអាហ្វហ្គានីស្ថាន មានចំណាត់ថ្នាក់ពិភពលោកលេខ១៥១ ។ នេះគឺបង្ហាញឲ្យឃើញពីសម្ពាធមួយសម្រាប់គោព្រៃកម្ពុជា ដែលពុំដឹងច្បាស់ពីសមាសភាពគ្រូបង្វឹកអាណត្តិថ្មីនៅឡើយ ។

គួរបញ្ជាក់ថា វគ្គជម្រុះជុំទី៣ នៃពាន AFC Asian Cup UAE 2019 គឺមាន ២៤ក្រុម ហើយបែងចែកជា ៦ពូល ក្នុងមួយពូលមាន ៤ក្រុម ដើម្បីធ្វើការប្រកួតសន្សំពិន្ទុ ដែលនឹងចាប់ផ្ដើមការប្រកួតដំណាលគ្នាចាប់ពីចុងខែមីនាខាងមុខ ។ ចំណែកក្រុមជម្រើសជាតិកម្ពុជានឹងត្រូវជួបប្រកួតបើកឆាកជាមួយក្រុមខ្លាំងហ្សកដានី ក្រៅទឹកដីនៅថ្ងៃទី២៨ ខែមីនា ឆ្នាំ២០១៧នេះ ៕

អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត