បែ មករា៖ លោក John Meglynn អាចនៅបឹងកេតអចិន្ដ្រៃយ៍ បើសិនដឹកនាំក្រុមបានល្អ

នូ មករា January 10, 2017


ភ្នំពេញ៖ ក្លឹបបឹងកេតអង្គរ បានត្រៀមទទួលបុរសជនជាតិអូស្រ្ដាលីលោក John Mcglynn ធ្វើជាគ្រូបង្វឹកអចិន្ដ្រៃយ៍ជាថ្មីគ្រប់ពេល ប្រសិនបើលោកដឹកនាំក្រុមបាល់ទាត់ល្អ នៅក្នុងការប្រកួតសំខាន់ៗមួយចំនួន នាដើមឆ្នាំ២០១៧ ។ នេះបើតាមការបញ្ជាក់របស់លោក បែ មករា អ្នកចាត់ការទូទៅនៃអតីតក្លឹបជើងឯកលីគកំពូលកម្ពុជា ២ជំនាន់នេះ បន្ទាប់ពីក្លឹបផ្ដល់តួនាទីជាគ្រូបង្វឹកបណ្ដោះអាសន្នដល់លោក John កាលពីពេលថ្មីៗកន្លងទៅ ។

លោក បែក មករា បានលើកឡើងថា «ឥលូវនេះយើងថា លោក John ជាគ្រូបណ្ដោះអាសន្ន ប៉ុន្ដែក៏អាចអចិន្ដ្រៃយ៍ដែរ បើសិនជាគាត់ធ្វើបានល្អ នៅក្នុងការប្រកួតដូចជា វគ្គជម្រុះ AFC Cup 2017 ជាដើម ។ បើសិនគាត់បំពេញតួនាទីបានល្អ និងទទួលបានលទ្ធផលល្អ យើងនឹងផ្ដល់តួនាទីជាគ្រូបង្វឹកអចិន្ដ្រៃយ៍ដល់គាត់ ហើយក្លឹបក៏មិនទាន់សម្លឹងរកគ្រូថ្មីដែរ ពោលគឺក្លឹបទុកឱកាសគាត់ធ្វើការងារជាមុនសិន បន្ទាប់មកទើបក្លឹបវាយតម្លៃជាក្រោយ» ។

គួរបញ្ជាក់ថា លោក John Mcglynn ធ្លាប់ដឹកនាំក្លឹបបឹងកេតអង្គរម្ដងមកហើយ កាលពីឆ្នាំ២០១៤ បន្ទាប់មកក្លឹបក៏ធ្វើការផ្លាស់ប្ដូរ ដោយជ្រើសរើសលោក ប្រាក់ សុវណ្ណារ៉ា មកដឹកនាំនៅឆ្នាំ២០១៥ និងឆ្នាំ២០១៦ ប៉ុន្ដែក្រោយក្លឹបបញ្ចប់កុងត្រាជាមួយលោក ប្រាក់ សុវណ្ណារ៉ា កាលពីចុងសប្ដាហ៍មុន ក្លឹបក៏សម្រេចផ្ដល់ឱកាសឲ្យលោក John Mcglynn ដឹកនាំជាថ្មី ដោយសារក្លឹបយល់ឃើញថា លោកពិតជាសាកសម្យធ្វើជាគ្រូបង្វឹក តាមរយៈការយល់ចិត្តកីឡាករយល់ចិត្តកីឡាករស្រាប់ ៕

អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត