ទាយមើល! ជប៉ុន, ថៃ, សិង្ហបុរី និងម៉ាឡេស៊ី មួយណាជាជម្រើសរបស់ ចាន់ វឌ្ឍនាកា?

នូ មករា January 10, 2017


ភ្នំពេញ៖ ប្រភពច្បាស់ការមួយ បានទម្លាយថា រដូវកាលថ្មីនេះខ្សែប្រយុទ្ធឆ្នើមរបស់កម្ពុជា ចាន់ វឌ្ឍនាកា នឹងមិនបន្ដអាជីពបាល់ទាត់លើដែនដីកំនើតរបស់ខ្លួននោះទេ ។ ការទម្លាយព័ត៌មាននេះ គឺស្របពេលអ្នកលេងជើងឆ្វេងរូបនេះ សរសេរពាក្យពេចន៍គួរឲ្យភ្ញាក់ផ្អើលបង្ហោះលើ Facebook ផ្ទាល់ខ្លួន «អរគុណបងប្អូនទាំងអស់គ្នា យើងជិតបែកគ្នាហើយ» កាលពីពេលថ្មីៗកន្លងទៅ ។ប៉ុន្ដែថ្នាក់ដឹកនាំជាន់ខ្ពស់របស់ក្លឹបបឹងកេតអង្គរម្នាក់ បានបង្ហើបថា មកទល់ពេលនេះមិនទាន់ច្បាស់ការ អំពីការបញ្ចប់កុងត្រាជាមួយកីឡាករ ចាន់ វឌ្ឍនាកា នោះទេ តែអាចរង់ចាំនៅថ្ងៃទី១៣ ខែមករាខាងមុខ ទើបដឹងពីការពិត ។ តែថ្នាក់ដឹកនាំនោះបានឲ្យដឹងថា បច្ចុប្បន្នកីឡាករជម្រើសជាតិកម្ពុជារូបនេះ មានក្លឹបក្រៅស្រុក ៤ប្រទេស ដែលជាជម្រើសត្រូវបន្ដអាជីពរបស់ខ្លួន គឺមានជប៉ុន, ថៃ, សិង្ហបុរី និងម៉ឡេស៊ី ។

ដូច្នេះសូមចូលរួមទស្សន៍ទាយទាំងអស់គ្នា ថាតើបើសិន ចាន់ វឌ្ឍនាកា ចាកចេញពីបឹងកេតអង្គរ គេនឹងទៅលេងនៅប្រទេសណា? ដោយហេតុនេះគេហទំព័រ Camsports នឹងធ្វើការជម្រាបជូនទស្សនិកជនបន្ថែមទៀត ប្រសិនបើមានការប្រែប្រួលជុំវិញជោគវាសនារបស់កីឡាករ ចាន់ វឌ្ឍនាកា ជាមួយនឹងក្លឹបបឹងកេតអង្គរនាពេលក្រោយ ៕

អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត