TMCC-2016៖ ក្រោយទម្លាក់បឹងកេត តើ Lanexang អាចយកឈ្នះ Buriram បានទេល្ងាចនេះ?

នូ មករា January 4, 2017


ភ្នំពេញ៖ ក្រុមជើងឯកឡាវ Lanexang United នឹងត្រូវជួបក្រុមការពារតំណែងជើងឯក Buriram United របស់ថៃ នៅវគ្គផ្ដាច់ព្រ័ត្រពានរង្វាន់ TOYOTA Mekong Club Championship 2016 ជើងទី១ នាវេលាម៉ោង ៦ល្ងាចនេះ នៅលើទឹកដីរបស់ខ្លួននៃកីឡដ្ឋាន Chao Anounvong ទីក្រុង Vientiane ប្រទេសឡាវ ។
ចាំមើលតើ Lanexang United អាចបន្ដភាពខ្លាំង ដូចកាលទម្លាក់ក្រុមបឹងកេតអង្គររបស់កម្ពុជា មិនឲ្យតដៃរួចទៀតទេ?
គួរបញ្ជាក់ថា មុនឡើងដល់វគ្គផ្ដាច់ព្រ័ត្រក្រុម Lanexang United បានបង្កភាពភ្ញាក់ផ្អើលជាខ្លាំងក្នុងពិភពបាល់ទាត់ ក្រោយទម្លាក់គូប្រកួតជាបន្ដបន្ទាប់ ជាពិសេសនៅវគ្គពាក់កណ្ដាលផ្ដាច់ព្រ័ត្រកាលពីចុងសប្ដាហ៍មុន ក្រុមដឹកនាំដោយគ្រូបង្វឹកនជនជាតិប្រេស៊ីលលោក Leonardo Vitorino នេះ បានផ្ដល់ការដូដល់ឈឺចាប់ក្នុងឱកាលឆ្នាំថ្មី ឆ្នាំ២០១៧ ដល់ក្រុមបឹងកេតអង្គរ តាមរយៈការទម្លាក់អតីតក្រុមជើងឯករងនេះ ដោយលទ្ធផល ៣-០ នៅលើទឹកដីកម្ពុជា ។
មុនជួបក្រុម Buriram United ល្ងាចនេះដែរ លោក Leonardo Vitorino ធ្លាប់បានលើកឡើងថា ទោះបី Buriram គឺជាក្រុមខ្លាំង និងល្បីក្នុងតំបន់ក្ដី ប៉ុន្ដែលោកមិនខ្វល់នោះទេ សំខាន់គឺកូនក្រុមលោកធ្វើតាមអ្វី ដែលលោកបានប្រាប់ ដូចការលេងជាមួយក្រុមបឹងកេតអង្គរដែរ ។ តែអ្វីដែលសំខាន់ គឺលោកពិតជាសប្បាយចិត្ត ចំពោះការប្រកួតនេះ ដោយសារលោកបានដឹកនាំក្រុម Lanexang មកជួបក្រុម Buriram របស់ថៃនៅវគ្គផ្ដាច់ព្រ័ត្រ ដែលជាក្រុមលោកធ្លាប់ធ្វើការជាមួយកាលពីមុន ។

សូមរំឮកថា កាលពីឆ្នាំ២០១៥ ក្រុម Buriram United បានគ្រងតំណែងជើងឯក ក្រោយយកឈ្នះក្រុមបឹងកេត ដោយតឹងតែងបំផុតជាមួយលទ្ធផល ១-០ នៅលើទឹកដីរបស់ខ្លួន ។ យ៉ាងណាមិញក្រុម Lanexang បានយកឈ្នះក្រុមបឹងកេតយ៉ាងងាយ ដូច្នេះ Buriram ក៏ទំនងពិបាកទប់ទល់ក្រុមមកពីឡាវនេះដែរ ។ ប៉ុន្ដែការប្រកួតវគ្គផ្ដាច់ព្រ័ត្រឆ្នាំនេះធ្វើឡើងចំនួន ២ជើង ពោលគឺការប្រកួតជើងទី១ ធ្វើឡើងលើទឹកដីឡាវល្ងាចនេះ ខណៈការប្រកួតជើងទី២ នឹងធ្វើឡើងនៅលើទឹកដីថៃវិញម្ដង នាថ្ងៃទី០៨ ខែមករា ឆ្នាំ២០១៧ចុងសប្ដាហ៍នេះ ៕
អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត