គ្រូធំ Lanexang United : «ខ្ញុំជឿថាយើងអាចផ្តួលក្រុមបឹងកេតបាន ហើយក៏អាចបំបាក់ Buriram នៅវគ្គផ្តាច់ព្រ័ត្រទៀតផង!»

នូ មករា December 28, 2016


ភ្នំពេញ៖ បន្ទាប់ពីបានទទួលសិទ្ធិឡើងទៅប្រកួតនៅវគ្គពាក់កណ្តាលផ្តាច់ព្រ័ត្រពាន Toyota Mekong Club Championship 2016​  ក្រោយពីស្មើក្រុមមីយ៉ាន់ម៉ា Yadanarbon កាលពីយប់មិញរួចមក គ្រូបង្គោលក្រុមឡាវ Lanexang United បានបង្ហាញនូវជំនឿចិត្តថាកូនក្រុមរបស់លោកនឹងធ្វើបានយ៉ាងល្អក្នុងការប្រកួតបន្ទាប់ជាពិសេសនឹងអាចផ្តួលគូប្រជែងបានដោយគ្មានបញ្ហាឡើយ ។


លោក Leonardo Vitorino បានលើកឡើងថា៖ « ខ្ញុំមានអារម្មណ៍ថាខកចិត្តបន្តិច ព្រោះខ្ញុំគិតថាកូនក្រុមរបស់ខ្ញុំអាចលេងបានល្អជាងនេះ! ខ្ញុំមើលឃើញថាពួកគេលេងបានតែ ៧០ ភាគរយប៉ុណ្ណោះ វាខុសពីអ្វីដែលយើងបានឃើញនាពេលកន្លងមក ប៉ុន្តែខ្ញុំនៅតែសប្បាយចិត្តចំពោះការបានឡើងទៅកាន់វគ្គពាក់កណ្តាលផ្តាច់ព្រ័ត្រនៃពានអន្តរជាតិដូចជា TMCC នេះ ។ »


គ្រូបង្វឹកសញ្ជាតិប្រេសុីលរូបនេះបានបន្ថែមថា៖ «ខ្ញុំគិតថាយើងមានកីឡាករវ័យក្មេងច្រើន ដូច្នេះវាងាយនឹងកើតមានកំហុស យ៉ាងណាក៏ដោយខ្ញុំជឿថាយើងអាចផ្តួលក្រុមបឹងកេតអង្គរដែលតំណាងឱ្យប្រទេសកម្ពុជាបាន ហើយយើងក៏អាចបំបាក់ Buriram នៅវគ្គផ្តាច់ព្រ័ត្រថែមទៀតផង!» ។

សូមបញ្ជាក់ថា ក្រុមទាំងពីរនេះនឹងត្រូវជួបគ្នានា​ថ្ងៃ​ទី​៣១ ខែ​ធ្នូ ឆ្នាំ​២០១៦ វេលា​ម៉ោង​ ៦:០០​នាទី​ល្ងាច​នៅ​​ពហុ​កីឡដ្ឋាន​ជាតិដើម្បីសម្រេចវាសនាឆ្ពោះទៅកាន់វគ្គផ្តាច់ព្រ័ត្រជាបន្តទៀត ៕

អត្ថបទ៖ មករា

លោកអ្នកអាចតាមដានការប្រកួតតាមរយៈ Toyota Mekong Club Championship

 

 

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត