តើឡាវ ឬមីយ៉ាន់ម៉ា ដែលត្រូវឡើងមកជួបបឹងកេត នៅវគ្គពាក់កណ្ដាលផ្ដាច់ព្រ័ត្រ Toyata Mekong​ Club?

នូ មករា December 27, 2016


ភ្នំពេញ៖ ការប្រកួតជម្រុះបឋមពានរង្វាន់ Toyota Mekong Club Championship 2016 (TMCC) នឹងត្រូវបញ្ចប់នាល្ងាចនេះហើយ ដោយក្រុមជើងឯកលីគកំពូលឡាវ Lanexang United ត្រូវជួបម្ចាស់ផ្ទះ គឺក្រុមជើងឯកលីគកំពូលមីយ៉ាន់ម៉ា Yadanarbon ដើម្បីដណ្ដើមកៅអីវគ្គពាក់កណ្ដាលផ្ដាច់ព្រ័ត្រ ដោយមានក្រុមបឹងកេតអង្គរបស់កម្ពុជាកំពុងរង់ចាំ ។


ចាំមើលតើក្រុម Lanexang United ឬ Yadanarbon ត្រូវខ្ទាតចេញពីការប្រកួតវគ្គបន្ដ? ការប្រកួតនេះក្រុម Lanexang United ហាក់មានសង្ឃឹមច្រើន បើទោះបីត្រូវប្រកួតក្រៅទឹកដីក៏ដោយ ព្រោះក្រុមមកពីលីគកំពូលឡាវនេះត្រូវការត្រឹមស្មើប៉ុណ្ណោះ បន្ទាប់ពីរកបាន ៣ពិន្ទុថ្ងៃបើកឆាកតាមរយៈការយកឈ្នះក្រុម SHB Da Nang មកពីលីគកំពូលវៀតណាម ដោយលទ្ធផល ២-១ ។ រីឯក្រុម Yadanarbon គឺទាមទាឈ្នះដាច់ខាត ទើបអាចដណ្ដើមយកកៅអីវគ្គបន្ដបាន គ្រាដែលបច្ចុប្បន្នក្រុមម្ចាស់ផ្ទះនេះ ប្រកួតដំបូងស្មើក្រុម SHB Da Nang ដោយលទ្ធផល ២-២ ។

គួរបញ្ជាក់ថា ក្រោយចប់ការប្រកួតក្រុមណាសន្សំពិន្ទុបានច្រើនជាងគេ នឹងឡើងទៅវគ្គពាក់កណ្ដាលផ្ដាច់ព្រ័ត្រ ដោយត្រូវជួបក្រុមបឹងកេតអង្គរ ដែលកំពុងរងចាំ នៅថ្ងៃទី៣១ ខែធ្នូ ឆ្នាំ២០១៦នេះ ។ បន្ទាប់មកក្រុមឈ្នះវគ្គពាក់កណ្ដាលផ្ដាច់ព្រ័ត្រ ទើបបន្ដឡើងទៅវគ្គផ្ដាច់ព្រ័ត្រ ដោយត្រូវជួបក្រុមការពារតំណែងជើងឯក Buriram United របស់ថៃ នៅថ្ងៃទី០៤ និងថ្ងៃទី០៨ ខែមករា ឆ្នាំ២០១៧ខាងមុខនេះ ៕

អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត