ក្លឹបបាល់ទាត់នៅលីគកំពូលហុងកុង ស្នើសុំប្រកួតមិត្តភាពជាមួយក្លឹបថៃ Muangthong United

នូ មករា December 27, 2016


ហុងកុង៖ យោងតាមការចុះផ្សាយរបស់គេហទំព័រ footballchannel.asia បានឱ្យដឹងថា ក្លឹបបាល់ទាត់ Kitchee FC ដែលជាសមាជិកលីគកំពូលហុងកុង (Hong Kong Premier League) បានដាក់សំណើរជាផ្លូវការដើម្បីស្នើសុំប្រកួតមិត្តភាពជាមួយក្លឹប Muangthong United ដែលជាជើងឯកនៃលីគកំពូលថៃប្រចាំឆ្នាំ២០១៦ នេះ។

យ៉ាងណាក៏ដោយ សំណើរនេះមិនទាន់ទទួលបានការឆ្លើយតបពីភាគីថៃនៅឡើយទេ ខណៈដែលក្លឹប Muangthong United ក៏នឹងត្រូវប្រកួតមិត្តភាពកម្តៅសាច់ដុំជាមួយនឹងក្រុម Laos All Stars និងក្លឹប Sanfrecce Hiroshima ដែលជាសមាជិគលីគកំពូលជប៉ុនផងដែរនាអំឡុងខែមករា ឆ្នាំ២០១៧នោះ ។

សូមបញ្ជាក់ថា Kitchee FC គឺជាក្លឹបបាល់ទាត់ដ៏ធំមួយនៅទីក្រុងហុងកុង និងត្រូវបានបង្កើតឡើងកាលពីឆ្នាំ១៩៣១ ដោយមានកីឡដ្ឋាន Mongkok ជាមូលដ្ឋានរបស់ខ្លួន ។ ក្លឹបមួយនេះបានបានធ្វើឱ្យគេស្គាល់កាន់តែច្រើនបន្ទាប់ពីបានយកឈ្នះលើក្រុមខ្លាំងៗរបស់អុីតាលីចំនួនពីរក្នុងការប្រកួតមិត្តភាពរួចមក ពោលគឺបានយកឈ្នះក្រុម AC Milan ជាមួយនឹងលទ្ធផល ២-១ កាលពីថ្ងៃទី៣០ ខែឧសភា ឆ្នាំ២០០៤ ព្រមទាំងបានផ្តួលក្រុម Juventus ក្នុងលទ្ធផល ៥-៣ (តាមរយៈគ្រាប់បាល់ប៉េណាល់ទី) កាលពីថ្ងៃទី៤ ខែមិថុនា ឆ្នាំ២០០៥ ផងដែរ ៕

អត្ថបទ៖ មករា

 

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត