អតីតខ្សែបម្រើ ​Arsenal និង Liverpool: ទោះបីជា Messi ក៏មិនអាចជួយលីគសិង្ហបុរីឱ្យប្រសើរបានដែរ!

នូ មករា October 29, 2016


សិង្ហបុរី៖ អតីតខ្សែបម្រើរបស់ក្លឹប Arsenal និង Liverpool របស់អង់គ្លេស Jermaine Pennant ដែលនឹងត្រូវចាកចេញពីប្រទេសសិង្ហបុរីបន្ទាប់ពីជួបប្រទះនូវភាពខកចិត្តដ៏ធំនោះបានថ្លែងថា បើទោះបីជាកីឡាករ Lionel Messi ត្រូវបានគេនាំយកមកលេងនៅក្នុងប្រទេសដែនកោះដ៏រីកចម្រើននេះក៏ដោយ ក៏គេមិនអាចជួយឱ្យលីគកំពូល ឬ S-League របស់សិង្ហបុរីមានភាពប្រសើរឡើងបានឡើយ។

jermaine-pennant-stoke-city_2755227

កីឡាករវ័យ ៣៣ ឆ្នាំរូបនេះបានលើកឡើងថា៖ «ដរាបណាគ្មានការចូលរួមវិនិយោគពីវិស័យឯកជន ក៏ដូចជាកង្វះការយកចិត្តទុកដាក់ពីរដ្ឋាភិបាល ព្រមទាំងការគាំទ្ររបស់មហាជន និងការឧបត្ថម្ភនានានោះ S-League នឹងគ្មានការផ្លាស់ប្តូរជាដុំកំភួននោះទេ។ ខ្ញុំមិនត្រូវការត្រឹមតែការបញ្ចេញសម្ថភាពប៉ុណ្ណោះទេ ប៉ុន្តែខ្ញុំក៏ចង់បានការផ្លាស់ប្តូរមួយប្រកបដោយភាពវិជ្ជមាន ខ្ញុំជឿថាដរាបណាស្ថានភាពនៅតែបន្ត នោះវិស័យបាល់ទាត់នៅក្នុងប្រទេសនេះនឹងគ្មានភាពរីកចម្រើនធំធាត់បានឡើយ!»។

jermaine-pennant-tampines-rovers_3402290

គួរបញ្ជាក់ថា កីឡាករ Jermaine Pennant បានសម្រេចចូលរួមជាមួយក្លឹប Tampines Rovers របស់សិង្ហបុរីកាលពីដើើមឆ្នាំ២០១៦ នេះក្នុងគោលដៅដើម្បីជួយពង្រឹងក្រុមឈានទៅរកការឈ្នះជើងឯកលីគកំពូលរបស់ប្រទេសនេះ។ យ៉ាងណាក៏ដោយ រូបគេបានសម្រេចចាចេញពីដែនដីមហាអំណាចសេដ្ឋកិច្ចនៃតំបន់អាសុីអាគ្នេយ៍នេះវិញ បន្ទាប់ពីបរាជ័យក្នុងការបន្តកិច្ចសន្យា និងការខកចិត្តចំពោះការដឹកនាំនៅក្នុងវិស័យកីឡាបាល់ទាត់សិង្ហបុរីរួចមក៕

អត្ថបទ៖ មករា

 

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត