ជើងខ្លាំង កែវ រំចង់ នឹងចេញទៅប្រកួតនៅស្រុកបារាំងថ្ងៃស្អែកនេះហើយ!

នូ មករា October 22, 2016


ភ្នំពេញ៖ ឯកឧត្តមឧត្តមសេនីយ៍ឯកតែម ម៉ឺន ប្រធានសហព័ន្ធកីឡាប្រដាល់កម្ពុជាបានឲ្យដឹងថានៅថ្ងៃទី២៣ ខែតុលាស្អែកនេះអ្នកប្រដាល់ជើងខ្លាំងកម្ពុជាកែវ រំចង់ នឹងចេញដំណើរទៅកាន់រដ្ឋធានីប៉ារីសហើយដើម្បីប្រកួតជាមួយជើងខ្លាំងបារាំង Morgan Adrar។

14192639_1841353916093296_6233094107888459859_n

ឯកឧត្តមបានបញ្ជាក់ថា ការចេញដំណើរទៅនេះគឺស្ថិតនៅក្រោមការរៀបចំរបស់សហព័ន្ធប្រដាល់គុនខ្មែរនៅប្រទេសបារាំងដែលមានលោកមៀម ស៊ីសារ៉ាជាប្រធាន ប៉ុន្តែនេះមិនមែនជាការប្រកួតដណ្ដើមខ្សែក្រវាត់នោះទេពោលគឺវាជាការប្រកួតមិត្តភាពរវាងអ្នកខ្លាំងនៅស្រុកបារាំងជាមួយអ្នកខ្លាំងរបស់កម្ពុជាសម្រាប់ប្រភេទទម្ងន់ ៦៩គីឡូក្រាមដូចគ្នា ខណៈដែលអ្នកប្រដាល់ទាំង ២ រូបនេះពុំធ្លាប់ប្រកួតគ្នាទេពីមុនមក ហើយ រំចង់ គឺជាអ្នកប្រដាល់ចិត្តធំមួយរូប ចំណែកឯ Morgan Adrar ក៏ពូកែកែង និងជង្គង់ ព្រមទាំងកណ្ដាប់ដៃដែលអាចនិយាយបានថាមានជំនាញមិនចាញ់កែវ រំចង់នោះទេ។

14199220_270532616673046_6421970429421730953_n

សូមបញ្ជាក់ថា គូប្រកួតរបស់កែវ រំចង់់ គឺ Morgan Adrar មានសញ្ជាតិបារាំង និងកំពុងគ្រងតំណែងជាម្ចាស់ខ្សែក្រវាត់ ៤ ស្ថាប័នគឺ WBC Muay Thai world championship, WMC Muay Thai (Europe) championship, WBCMuay Thai (Europe) championship, និង WFC Muay Thai (Europe) championship ដោយមានប្រវត្តិប្រកួត ៥៤ដងក្នុងនោះឈ្នះ ៤៥ដងផងដែរ៕

អត្ថបទ៖ មករា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត