Europa League: Manchester United យកឈ្នះ Fenerbahce ខណៈកីឡាករ Paul Pogba រកបាន ២ គ្រាប់

លី រិទ្ធី October 21, 2016


កីឡាករ Paul Pogba រកបាន ២ គ្រាប់ខណៈក្លឹបបិសាចក្រហម Manchester United យកឈ្នះលើក្លឹប Fenerbahce ដើម្បីឡើងមកឈនៅលេខ ២ ក្នុងពូល A នៃការប្រកួត Europa League។

14714855_10154145684907746_5067094472801800457_o

ជាមួយនឹងកីឡាករ Wayne Rooney ចាប់ផ្តើមក្នុងជម្រើស ១១ នាក់ដំបូង ក្លឹបបិសាចក្រហមបង្កើតឱកាសមិនបានច្រើនប៉ុន្មានមុននឹងក្លឹបដែលមកពីប្រទេស ទួគី ធ្វើឲ្យមានកំហុសបាល់ពិន័យ ១១ ម៉ែត្រហូតដល់ទៅ ២ គ្រាប់ក្នុងតង់ទី១។

កីឡាករដែលមានតម្លៃខ្លួនថ្លៃជាងគេនៅលើពិភពលោក Pogba ជាអ្នកស៊ុតបាល់ពិន័យ ១១ ម៉ែត្រដំបូងមុននឹងកីឡាករ Anthony Martial ធ្វើបានសម្រេចគ្រាប់បាល់ពិន័យ ១១ ម៉ែត្រទី ២។ លុះដល់ក្នុងម៉ោងបន្ថែមតង់ទី១ នាទីទី ៤៥+១ កីឡាករ Pogba ស៊ុតបាល់ប្រមាណជាជាង ២០ ម៉ែត្រយ៉ាងល្អជួយឲ្យក្រុមម្ចាស់ផ្ទះនាំមុខ ៣-០ ក្នុងតង់ទី១។

14706832_10154145428847746_344834672213975065_o

ការប្រកួតតង់ទី ២ ចាប់ផ្តើមបានប្រមាណជា ៣ នាទីកីឡាករ Lingard រកបានមួយគ្រាប់ទៀតមុននឹងកីឡាករ Robin van Persie រកបានគ្រាប់បាល់មួយគ្រាប់ឲ្យក្រុមភ្ញៀវនៅនាទីទី ៨៣។ ដូចនេះក្រោយករប្រកួត ៣ ប្រកួត ក្លឹប បិសាចក្រហម Manchester United មានពិន្ទុស្មើគ្នាជាមួយក្លឹប Feyenoord  ៦ ពិន្ទុ ខណៈក្លឹប Fenerbahce ឈលេខ ៣ មាន៤ ពិន្ទុក្នុងពូល A៕

screen-shot-2016-10-21-at-8-38-54-am

ប្រែសម្រួលដោយ៖ រិទ្ធី
ប្រភព៖ BBC Sports

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត