កីឡា ៣ ប្រភេទដែលសង្ឃឹមថានឹងទទួលបានផ្លែផ្កាល្អក្នុងព្រឹត្តិការណ៍កីឡាជាតិខាងមុខនេះ

នូ មករា October 19, 2016


ភ្នំពេញ៖ គ្រប់បណ្ដាប្រភេទកីឡាទាំង១៥ សុទ្ធតែសង្ឃឹមថានឹងទទួលបានលទ្ធផលល្អ ក្នុងព្រឹត្តិការណ៍កីឡាជាតិលើកទី១ ឬហៅថា National Games ដែលនឹងចាប់ផ្តើមនៅចុងខែតុលានេះ ខណៈដែលកីឡា ៣ប្រភេទគឺហែលទឹក កាយសម្ព័ន្ធ និងចំបាប់ កំពុងមានក្តីសង្ឃឹមខ្ពស់ជាងគេថានឹងបានផ្លែផ្កាល្អសម្រាប់ការត្រៀមធ្វើម្ចាស់ផ្ទះកីឡាស៊ីហ្គេមឆ្នាំ២០២៣ នារយៈពេល ៧ឆ្នាំខាងមុខនេះ។

11091508_965057563505054_8208643034268878125_n

អគ្គលេខាធិការសហព័ន្ធខ្មែរកីឡាហែលទឹកលោក ហែម គីរី បានឱ្យដឹងថា គិតមកដល់ពេលនេះទាំងគណៈកម្មការ មន្រ្តីបច្ចេកទេសប្រកួត និងកីឡាករ កីឡាការិនី ដែលត្រូវចូលរួមបានត្រៀមរួចរាល់អស់ហើយគឺគ្មានអ្វីត្រូវបារម្ភទៀតនោះទេ។ លោកបន្តថា ក្នុងព្រឹត្តិការណ៍នេះនឹងមានមានអត្តពលិកចូលរួមចំនួន ៤២នាក់ មកពីខេត្តកោះកុង, ខេត្តកំពង់ចាម, ក្លឹបក្រសួងមហាផ្ទៃ និងរាជធានីភ្នំពេញ ហើយអត្តពលិកទាំងនេះ ត្រូវបានសម្រិតសម្រាំងយកមកប្រកួត ដោយផ្អែកទៅលើលទ្ធផល និងកម្រិតបច្ចេកទេសរបស់ពួកគេ ក្នុងការប្រកួតជ្រើសរើសជើងឯកថ្នាក់ជាតិនាពេលកន្លងមក។

img_0572-copy

ចំណែកអគ្គលេខាធិការសហព័ន្ធកីឡាកាយសម្ព័ន្ធកម្ពុជាលោក ណយ ផាណា ក៏បានឱ្យដឹងដែរថា ដើម្បីត្រៀមខ្លួនសម្រាប់កីឡាជាតិឲ្យទទួលបានជោគជ័យនោះ សហព័ន្ធជំនាញមួយនេះបានរៀបចំការប្រកួតដោយបែងចែកចេញ ជា ២ប្រភេទវិញ្ញាសាធំៗ គឺកីឡាកាយសម្ព័ន្ធបែប Aerobic និងកីឡាកាយសម្ព័ន្ធ Artistic។ សព្វថ្ងៃនេះសម្រាប់ប្រភេទកីឡាកាយសម្ព័ន្ធមានតែ ៤រាជធានី-ខេត្ត រាជធានីភ្នំពេញ ក្រចេះ តាកែវ និង ខេត្តកំពង់ឆ្នាំង សរុបមានកីឡាករ កីឡាការិនីចំនួន ៥១រូប ក្នុងនោះកីឡាករ កីឡាការិនី ១៥នាក់ និងមន្ត្រីបច្ចេកទេស ២១នាក់។ លោកអះអាងថា ដើម្បីត្រៀមព្រឹត្តិការណ៍កីឡាជាតិនេះផង និងស៊ីហ្គេមនាពេលខាងមុខផង សហព័ន្ធរបស់លោកបានបង្កើតវគ្គបណ្តុះបណ្តាលដល់ថ្នាលយុវជននានា ដើម្បីធ្វើឲ្យកាន់តែប្រសើរឡើងបន្ថែមទៀតនូវមូលដ្ឋានគ្រឹះដ៏រឹងមាំ ក៏ដូចជាបង្កើនកម្រិតបច្ចេកទេស សមត្ថភាពរបស់ពួកគេផងដែរ។

10550933_326051417554997_6176494944279500206_n

ចំពោះប្រភេទកីឡាចំបាប់វិញ អគ្គលេខាធិការសហព័ន្ធ លោក ធិន វិចិត្រ ក៏បានលើកឡើងមិនខុសពីសហព័ន្ធខាងលើដែលថា សហព័ន្ធបានត្រៀមខ្លួនរួចរាល់ហើយដែរសម្រាប់កីឡាករ កីឡាការិនី មន្ត្រីបច្ចេកទេស ចៅក្រម អាជ្ញា កណ្តាលជាដើម។ សូមបញ្ជាក់ថា ប្រភេទកីឡាដែលដាក់ឲ្យប្រកួតក្នុងព្រឹត្តិការណ៍កីឡាជាតិត្រូវបានសម្រេចដោយផ្លូវការចំនួន ១៥ រួមមាន៖ អត្តពលកម្ម, ហែលទឹក, វាយសី, បាល់បោះ, ប្រដាល់, បាល់ទាត់, ចំបាប់, វាយកូនឃ្លីលើតុ, តេក្វាន់ដូ WTF, វាយកូនបាល់, បាល់ទះ, ប៉េតង់, ល្បុក្កតោ, កាយសម្ព័ន្ធ និងសូរិនហ្សិកាំប៉ូ ដោយគ្រោងចំណាយថវិកាជាតិប្រមាណ ១លានដុល្លារអាមេរិក៕

អត្ថបទ៖ រត្ន័

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត