រឿង សោភ័ណ្ឌ និង ពុទ្ធ ឆាយរិទ្ធី ឈ្នះថៃ ទាំងប្រទាំងប្រទើស!

លី រិទ្ធី September 19, 2016


ភ្នំពេញ៖ កីឡាករ រឿង សោភ័ណ្ឌ មកពីក្លិបម្កុដរាជសីហ៍ បានយកឈ្នះអ្នកប្រដាល់ថៃ Super Chhai ដោយពិន្ទុក្នុងព្រឹត្តិការណ៍ខ្សែក្រវាត់ទម្ងន់ ៦៩ គីឡូក្រាម លើសង្វៀនអាស៊ីអាគ្នេយ៍កាលពីល្ងាចថ្ងៃទី១៨ ខែកញ្ញាម្សិលមិញនេះក្នុងសភាពប្រទាំងប្រទើសបំផុត ដោយដំបូងឡើយអាជ្ញាកណ្តាលបានបានប្រកាសលទ្ធផលឲ្យថៃឈ្នះ ប៉ុន្តែអ្វីដែលគួរហួសចិត្តនោះគឺ បន្ទាប់មកលទ្ធផលត្រូវបានប្រកាសម្ដងទៀត ដោយឲ្យសោភ័ណ្ឌ ជាអ្នកឈ្នះវិញ។ ការប្រែប្រួលភ្លាមៗនេះបានធ្វើឲ្យអ្នកទស្សនាជ្រួលច្របល់ហើយគេសង្ស័យថាមានអ្វីចម្លែកនៅពីក្រោយខ្នងប្រធានវិនិច្ឆ័យក្នុងការប្រកួតនោះគឺជាលោក រាជ សុផែន ជាក់ជាមិនខាន ខណៈដែលគេមិនដឹងទេថា កំហុសបែបនេះនឹងត្រូវដោះស្រាយបែបណា ហើយប្រសិនបើគេធ្វើមើលមិនឃើញ ហើយមិនដាក់កំហុសទេនោះ អាចនឹងត្រូវគេចំអកឲ្យថាគណៈកម្មការវិន័យរបស់សហព័ន្ធទុកសម្រាប់តែដាក់ទណ្ឌកម្មចំពោះមនុស្សតូចតាចតែប៉ុណ្ណោះ។ ដូច្នេះ សូមឯកឧត្តមឧត្តមសេនីយ៍ឯកតែម ម៉ឺន ដែលជាប្រធានសហព័ន្ធប្រដាល់ មេត្តាពិនិត្យមើលករណីនេះផង។

roeurng-sophon3-800x600

នៅក្នុងប្រកួតក្នុងព្រឹត្តិការណ៍នេះដែរកីឡាករ ពុទ្ធ ឆាយរិទ្ធី មកពីក្លិបពុទ្ធសេរិវង្សក៏បានយកឈ្នះអ្នកប្រដាល់ថៃ Thai Oulek ទាំង មានបញ្ហាដែរ ។ Thai Oulek បានឆ្លៀតស៊ីឡាក់នៅទឹកទី៤ ដោយសារតែអាជ្ញាកណ្ដាលឃាត់ហើយនោះ រិទ្ធី ឆ្លៀតបន្ថែមមួយ ជើងទៀត។ តាមពិតរិទ្ធីមានកំហុសទោះបីការទាត់បន្ថែមមួយជើងនោះស្រាលក៏ដោយ ប៉ុន្តែបែរជាប្រធានវិនិច្ឆ័យសម្រេចឲ្យ រិទ្ធីជាអ្នកឈ្នះទៅវិញ។ យ៉ាងណាក៏ដោយ ករណីនេះមិនសូវជាអាក្រក់មើលដូចការប្រកាសលទ្ធផលរបស់រឿង សោភ័ណ្ឌ ដែលគេមើលឃើញតាមទូរទស្សន៍ពេញស្រុកខ្មែរនោះទេ ៕

put-chhayrithy-800x600

អត្ថបទ៖ វ៉ាន្នី

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត