UEFA Champions League: PSG ឬ​ Arsenal រកបាន ៣ ពិន្ទុក្នុងការប្រកួតបើកឆាកយប់នេះ

លី រិទ្ធី September 13, 2016


ការប្រកួតបាល់ទាត់ពានរង្វាន់ UEFA Champions League ២០១៦-២០១៧ នឹងចាប់ផ្តើមនៅវេលាម៉ោង ១:៤៥ នាទីរំលងអធ្រាត្រនេះដោយក្លឹបជើងឯកលីកកំពូលនៃប្រទេស បារាំង PSG នឹងត្រូវបើកកីឡដ្ឋាន Parc des Princes របស់ខ្លួនដើម្បីទទួលក្រុមកាំភ្លើងធំ Arsenal ក្នុងការប្រកួតបើកឆាកនេះ។

ក្លឹបទាំងពីរធ្លាប់ជួបគ្នា ២ ដងនាពេលកន្លងមកដែលក្នុងនោះក្លឹបកាំភ្លើងធំ Arsenal ឈ្នះ ១ ដង ព្រមទាំងស្មើគ្នា ១ ដង ខណៈក្លឹប PSG មិនទាន់រករកបានជ័យជម្នះក្នុងការប្រកួតរវាងក្រុមទាំងពីរនៅឡើយទេ។

13-09-2016

 

-កីឡាករ ១១ រូបដែលអាចជាប់ជម្រើស ១១ ដំបូងនៅក្នុងការប្រកួតយប់នេះ៖

សម្រាប់ក្លឹប PSG៖ Trapp; Meunier, Marquinhos, Thiago Silva, Kimpembe; Verratti, Thiago Motta, Matuidi; Lucas, Cavani, Di María.
អវត្តមាន៖ Kurzawa (របួសភ្លៅ)
មិនប្រាកដ Thiago Silva (ចង្កេះ), Aurier (កែងជើង), Pastore (កំភួនជើង), Maxwell (ខ្នង)

សម្រាប់ក្លឹប Arsenal៖ Čech; Bellerín, Mustafi, Koscielny, Monreal; Cazorla, Xhaka; Walcott, Özil, Alexis; Giroud.
អវត្តមាន៖ Gabriel (កែងជើង), Mertesacker (ជង្គង់), Welbeck (ជង្គង់), Debuchy (កំភួនជើង), Jenkinson (ជង្គង់)
មិនប្រាកដ៖ Ramsey (hamstring)

2401818_w1

-មតិគ្រូបង្វឹង

អ្នកចាត់ការទូទៅក្លឹប PSG លោក Unai Emery បានប្រាប់ថា៖ “ការប្រកួតនេះប្រាកដជាការប្រកួតមួយដែលពិបាក ព្រមទាំងខុសគ្នាពីការប្រកួតនៅថ្ងៃចុងសប្តាហ៍ ពីព្រោះក្លឹប Arsenal មានទម្រង់លេងខុសគ្នាពីក្រុមផ្សេងៗ។ ក្រុមទាំងមូលគឹល្អសម្រាប់ ទោះបីជាយើងមិនបានឈ្នះការប្រកួតលីក ២ ប្រកួតចុងក្រោយក៏ដោយ។ ខ្ញុំបានពិនិត្យ និងវាយតម្លៃក្រុមទាំងមូល ក្រុមទាំងមូលគឺល្អ ដោយកីឡាករសុទ្ធតែប្រឹងប្រែង និងព្យាយាមក្នុងការហ្វឹកហាត់។ ប៉ុន្តែក្រៅពីការហ្វឹកហាត់ យើងក៏ត្រូវការលេងឲ្យបានល្អផងដែរក្នុងកាប្រកួតនេះ។ យើងត្រូវមើលថាស្ថានភាពរបស់កីឡាករ Thiago Silva យ៉ាងណាបន្ទាប់ពីហ្វឹកហាត់លើកចុងក្រោយ។ កីឡាកររូបនេះអាចនឹងលេងក្នុងការប្រកួតប្រសិនជារូបគេ Fit បាន ១០០%។”

unai-emery

អ្នកចាត់ការទូទៅក្លឹប Arsenal លោក Arsène Wenger បានបញ្ជាក់ថា៖ “ខ្ញុំធ្លាប់មកទីក្រុង បារីស។ នេះជាប្រទេសរបស់ខ្ញុំ ហើយបារីសគឹជាការសាកល្បងមួយសម្រាប់យើង និងកីឡាករទាំងអស់ក្នុងក្លឹប។ បារាំងតែងតែបណ្តុះបណ្តាលក្រុមល្អៗ និង កីឡាករល្អៗជាច្រើន ដូចនេះយើងពិតជារំភើបដែលបានមកដល់ទីក្រុងនេះ។ យើងនឹងលេងតាមទម្រង់របស់យើងដោយធ្វើការប្រយុទ្ធ។ PSG ខ្លាំងនៅតំបន់កណ្តាល ហើយយើងនឹងព្យាយាមបង្អាក់ពួកគេក្នុងការធ្វើប្រយុទ្ធ៕”

3gduepif0t1ugy8h4xmdoxojbzmtt2bj

អត្ថបទ៖ រិទ្ធី

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត