Christian Benteke: ក្លឹប Crystal Palace ទិញខ្សែប្រយុទ្ធក្លឹប Liverpool តម្លៃ ២៧ លានផោន

លី រិទ្ធី August 21, 2016


ក្លឹប Crystal Palace បានចុះកុងត្រាក្នុងការទិញខ្សែប្រយុទ្ធរបស់ក្លឹប Liverpool សញ្ជាតិ ប៊ែលហ្សិក កីឡាករ Christian Benteke ក្នុងតម្លៃខ្លួនកំណត់ត្រារបស់ក្លឹប ២៧ លានផោន។

តម្លៃខ្លួនរបស់កីឡាករវ័យ ២៥ ឆ្នាំរូបនេះអាចនឹងបន្ថែម ៥ លានផោនទៀតទៅលើថ្លៃផ្សេអៗ។

កីឡាករ Benteke ដែលចូលរួមជាមួយក្លឹបហង្សក្រហម Liverpool ក្នុងតម្លៃខ្លួន ៣២.៥ លានផោនកាលពីខែកក្កដា ២០១៥ រកបាន ១០ គ្រាប់ ប៉ុន្តែបង្ហាញខ្លួនបានតែ ៨ ប្រកួតប៉ុណ្ណោះក្រោមការដឹកនាំរបស់លោក Jurgen Klopp។

កីឡាកររូបនេះក្លាយជាកីឡាករទី៤ ដែលក្លឹប Palace បានទិញបន្ទាប់ពីបានទិញកីឡាករ Andros Townsend, James Tomkins និងកីឡាករ Steve Mandanda។

“ខ្ញុំពិតជារីករាយដែលអាចលេងជាមួយក្លឹប Crystal Palace” នេះជាអ្វីដែលអតីតខ្សែប្រយុទ្ធក្លឹប Aston Villa កីឡាករ Benteke បាននិយាយក្រោយចុះកុងត្រា។

គួរបញ្ជាក់ផងដែរថា កាលពីពេលកន្លងទៅខ្សែបម្រើស្លាបកីឡាករ Andros Townsend គឺជាកីឡាករដែលក្លឹបទិញមកមានតម្លៃខ្លួនថ្លៃជាងគេ ដែលផ្ទេរពីក្លឹប Newcastle មកក្នុងតម្លៃ ១៣ លានផោន កាលពីខែកក្កដា៕

_90858555_christian_benteke_crystal_palace_getty

 

ប្រែសម្រួលដោយ៖ រិទ្ធី

ប្រភព៖ BBC Sports

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត