លោកវ៉ាត់ ចំរើន៖ ទាំងខ្ញុំនិង ប្រជាជនខ្មែរ សុទ្ធតែមានមោទកភាពចំពោះឯកសណ្ឋានខ្មែរ

គឹមហុក August 9, 2016


រីយ៉ូ៖ ក្រោយពីបានបញ្ចប់ការដង្ហែរក្បួនរបស់អត្តពលិក និងប្រតិភូ ដែលមកចូលរួមប្រកួតក្នុងព្រឹត្តិការណ៍កីឡាអូឡាំពិក នៅប្រទេសប្រេស៊ីល កាលពីថ្ងៃទី៥ ខែសីហាកន្លងទៅថ្មីៗនេះ ម្ចាស់ផ្ទះបានចាត់ទុកឯកសណ្ឋានប្រពៃណីរបស់ខ្មែរ ដែលបានបង្ហាញដោយក្រុមកីឡាករ កីឡាការិនី របស់កម្ពុជានោះ ជាប់ជាឯកសណ្ឋានដែលស្អាតជាងគេក្នុងចំណោម ២៤ប្រទេស។

The most stylish team uniforms

អគ្គលេខាធិការនៃគណៈកម្មាធិការអូឡាំពិកកម្ពុជា បានមានប្រសាសន៍ពីទីក្រុង RIO មកថា ក្នុងនាមលោកជានាយបេសកកម្ម ដឹកនាំប្រតិភូ និងអត្តពលិកកម្ពុជាចូលរួមប្រកួតក្នុងព្រឹត្តិការណ៍ប្រកួតកីឡាកម្រិតអន្តរជាតិដ៏ធំមួយនេះ ទាំងលោកនិង ប្រជាជនកម្ពុជាទាំងអស់ ពិតជាមានមោទភាពខ្លាំងណាស់ ដែល ឯកសណ្ឋានប្រពៃណី ដែលបង្ហាញពីឥរិយាបទដ៏ទន់ភ្លន់របស់ខ្មែរបានជាប់ក្នុងចំណាត់ថ្នាក់ឯកសណ្ឋានដែលស្អាតជាងគេ ។

លោកបន្តថា៖ «ឯកសណ្ឋានខ្មែរដែលជាប់ក្នុងពិធីបើកនេះ ក៏ជាការជំរុញនិងលើកទឹកចិត្តកីឡាករ កីឡាការិនី របស់កម្ពុជា ឱ្យបន្តខិតខំហ្វឹកហាត់ដើម្បីប្រជែងយកមេដាយនាពេលឆាប់ៗខាងមុខនេះផងដែរ។»

គួរបញ្ជាក់ផងដែរថា ប៉ុន្មានថ្ងៃមុននេះសារព័ត៌មានរបស់អូឡាំពិកអន្តរជាតិ ក៏បានចុះផ្សាយពីឯកសណ្ឋានដែលមានលក្ខណៈសាមញ្ញាទន់ភ្លន់របស់កម្ពុជា៕

05-08-2016-Opening-Ceremony-inside-08

Olympic

 

អត្ថបទ៖ ជីង ឡុង

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត