សហព័ន្ធប្រដាល់គ្រោងបើកវគ្គបង្រៀនអាជ្ញាកណ្តាល និង ចៅក្រម

គឹមហុក August 9, 2016


ភ្នំពេញ៖ សហព័ន្ធកីឡាប្រដាល់កម្ពុជាគ្រោងនឹងបើកវគ្គបំប៉នរយៈពេល ៥ ថ្ងៃដល់អាជ្ញាកណ្ដាល និងចៅក្រមរបស់ខ្លួនលើប្រភេទប្រដាល់គុនបូរាណខ្មែរដោយចាប់ផ្ដើមពីថ្ងៃទី ១៥ ខែសីហាខាងមុខនេះ។វគ្គនេះធ្វើឡើងក្រោមថវិការបស់ក្រសួងអប់រំយុវជន និង កីឡា។ លោកវេជ្ជបណ្ឌិត ឆឹង យ៉ាវយ៉េន ដែលជាអនុប្រធានសហព័ន្ធកីឡាប្រដាល់កម្ពុជាបានបង្ហើបឲ្យដឹងថាលោកមានបំណងឲ្យមានសិក្ខាកាមចូលរៀនវគ្គចំនួន ៦០ នាក់ឯណោះតែលទ្ធភាពថវិកាប្រហែលជាបានត្រឹមតែ ៣០ នាក់ប៉ុណ្ណោះ។

សព្វថ្ងៃនេះអាជ្ញាកណ្ដាល និងចៅក្រមដែលបំពេញការងារក្នុងការប្រកួតហាក់ដូចជាមិនមានស្ដង់ដារតែមួយនៅឡើយទេគឺភាគច្រើនគេបំពេញការងារទៅតាមទម្លាប់របស់ខ្លួន។ លោកអនុប្រធានសហព័ន្ធអះអាងថានេះជាវគ្គដ៏សំខានមួយដើម្បីកែទម្លាប់ចាស់ឲ្យទៅកាន់ទម្លាប់មួយដែលជាស្ដង់ដាររបស់ជាតិ ស្ដង់ដារនៃក្បាច់គុនបូរាណខ្មែរដែលត្រូវដាក់ឲ្យមានការប្រកួតក្នុងព្រឹត្តិការណ៍ SEA Games ឆ្នាំ២០២៣ ដែលកម្ពុជាធ្វើជាម្ចាស់ផ្ទះនោះ។

តាមការឲ្យដឹងព័ត៌មានបានបញ្ជាក់ថា វគ្គនេះឧទ្ទេសនាមដោយលោក ឆឹង យ៉ាវយ៉េន លោកម៉ិល កាដូ ដែលជាអគ្គលេខាធិការសហព័ន្ធ និង លោករាជ សុផែន ដែលជាប្រធានអនុគណៈកម្មាការវិន័យរបស់សហព័ន្ធ៕

ឆឹង យ៉ាវយ៉េន

អត្ថបទ៖ វ៉ាន្នី

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត