Paul Pogba ត្រលប់មកក្លឹប Manchester United វិញជាផ្លូវការក្នុងតម្លៃខ្លួន ៨៩ លានផោន

លី រិទ្ធី August 9, 2016


ក្រោយចុះកុងត្រាជាផ្លូវការជាមួយក្លឹបបិសាចក្រហម Manchester United វិញក្នុងតម្លៃកំណត់ត្រាពិភពលោក ៨៩ លានផោនហើយនោះ កីឡាករ Paul Pogba បាននិយាយថា៖ “នេះជាពេលវេលាសាកសមសម្រាប់ខ្ញុំត្រលប់មក Old Trafford វិញ។”

កីឡាករខ្សែបម្រើកណ្តាល វ័យ ២៣ ឆ្នាំរូបនេះបានត្រលប់មកក្លឹប Manchester United វិញក្រោយចាកចេញរយៈពេល ៤ ឆ្នាំ បន្ទាប់ពីបានផ្ទេរទៅក្លឹប Juventus ក្នុងតម្លៃ ១.៥ លានផោន កាលពីឆ្នាំ ២០១២។

កីឡាករ Pogba ដែលបានចុះកុងត្រាជាមួយក្លឹប Manchester United រយៈពេល ៥ ឆ្នាំបានបន្តថា៖ “នេះជាក្លឹបដែលខ្ញុំអាចសម្រេចបាននៅអ្វីដែលខ្ញុំសង្ឃឹម។”

អ្នកចាត់ការទូទៅលោក Jose Mourinho និយាយថាកីឡាករ Pogba អាចជា “បេះដូងនៃក្លឹប” ក្នុងរយៈពេល ១០ ឆ្នាំខាងមុខ។

ក្លឹប Manchester United នឹងត្រូវបង់ថ្លៃដល់ជើងឯកលីកកំពូលអ៊ីតាលីចំនួន ១០៥ លាន អឺរ៉ូ បូករួមជាមួយនឹង ៥ លាន អឺរ៉ូ ទៀតសម្រាប់ performance-related bonuses និងថ្លៃផ្សេងៗទៀត។

ការត្រលប់មកវិញរបស់កីឡាករ Pogba គឺបានបំបែកកំណត់ត្រារបស់កីឡាករ Gareth Bale ដែលមានតម្លៃខ្លួន ៨៥ លានផោនក្នុងការផ្ទេរទៅក្លឹប Real Madrid កាលពីឆ្នាំ ២០១៣ ក្នុងប្រវិត្តសាស្រ្តដោះដូរកីឡាករលើពិភពលោក។

គួរបញ្ជាក់ផងដែរថា កីឡាកររូបនេះក្លាយជាកីឡាករទី៤ ដែលលោក Mourinho បានទិញក្រោយដឹកនាំក្លឹប Manchester United ដែលក្នុងនោះកីឡាករ ៣ រូបផ្សេងទៀតរួមមាន៖ ខ្សែការពារ Eric Bailly, ខ្សែប្រយុទ្ធ Zlatan Ibrahimovic និងខ្សែប្រយុទ្ធកីឡាករ Henrikh Mkhitaryan៕

Paul Pogba

pogba

13879235_1025992114165393_1058682866622296044_n

pogba 1

ប្រែសម្រួលដោយ៖ រិទ្ធី

ប្រភព៖ BBC Sports

 

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត