Inter Milan: លោក Frank de Boer នឹងក្លាយជាអ្នកចាត់ការទូទៅថ្មីរបស់ក្លឹប

លី រិទ្ធី August 9, 2016


ក្លឹប Inter Milan នៅលីកកំពូលនៃប្រទេស អ៊ីតាលី បានសម្រេចចែកផ្លូវជាមួយលោក Roberto Mancini ហើយគ្រោងនឹងតែងតាំងអតីតអ្នកចាត់ការទូទៅរបស់ក្លឹប Ajax លោក Frank de Boer ជំនួសវិញ។

អ្នកចាត់ការទូទៅសញ្ជាតិ ហូឡង់ De Boer វ័យ ៤៦ ឆ្នាំត្រូវបានឲ្យដឹងថាបានយល់ព្រមជាមួយនឹងកុងត្រារយៈពេល ៣ ឆ្នាំដើម្បីជំនួសអ្នកចាត់ការទូទៅសញ្ជាតិ អ៊ីតាលី វ័យ ៥១ ឆ្នាំ លោក Roberto Mancini។

ក្លឹប Inter ដែលត្រូវបានក្រុមហ៊ុន ចិន Suning ទិញកាលពីខែមិថុនា បានចាញ់ក្រុម Tottenham ក្នុងលទ្ធផល ៦-១ ក្នុងការប្រកួតមិត្តភាពត្រៀមបើករដូវកាលថ្មីកាលពីពេលថ្មីៗនេះ។

 

អតីតកីឡាករក្រុមជម្រើសជាតិ ហូឡង់ De Boer បានចាកចេញពីក្លឹប Ajax កាលពីដើមរដូវកាក្តៅហើយត្រូវបានសារព័ត៌មានជាច្រើននិយាយក្លឹប Southampton និងក្លឹប Everton ចង់បានរូបលោកទៅដឹកនាំផងដែរ។

គួរបញ្ជាក់ផងដែរថាលោកបានដឹកនាំក្លឹបនៅ Amsterdam ឈ្នះជើងឯកលីកកំពូលនៃប្រទេស ហូឡង់ បាន ៤ សម័យ ប៉ុន្តែត្រូវចាញ់ក្លឹប PSV Eindhoven នៅក្នុងការប្រកួតថ្ងៃចុងរដូវកាល៕

Frank De Boer

ប្រែសម្រួលដោយ៖ រិទ្ធី

ប្រភព៖ BBC Sports

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត