កីឡាករ Leroy Sane ផ្ទេរទៅក្លឹប Manchester City ក្នុងតម្លៃ £37 លាន

លី រិទ្ធី August 3, 2016


កីឡាករ Leroy Sane បានផ្ទេរទៅក្លឹប Manchester City ពីក្លឹប Schalke ក្នុងតម្លៃ £37លាន បូករួមទាំងថ្លៃ add-ons ក្នុងកុងត្រារយៈពេល ៥ ឆ្នាំ។

កីឡាករវ័យ ២០ ឆ្នាំរូបនេះបានជួយឲ្យក្រុមជម្រើសជាតិ អាល្លឺម៉ង់ ឡើងដល់វគ្គពាក់កណ្តាលផ្តាច់ព្រ័ត្រការប្រកួត Euro 2016 កាលពីពេលកន្លងទៅនេះ។

អ្នកចាត់ការទូទៅក្លឹប Manchester City លោក Pep Guardiola បាននិយាយថា៖ “កីឡាកររូបនេះគឺមានទេពកោសល្យល្អ និងកីឡាករដ៏ល្អដែលខ្ញុំគិតថាអ្នកគាំទ្រនឹងរីករាយក្នុងការទស្សនាការប្រកួត។”

លោកបានបន្តថា៖ “Sane មានបច្ចេកទេសល្អ ហើយការលេងបាល់របស់កីឡាកររូបនេះគឹពិតអស្ចារ្យ។ កីឡាកររូបនេះថែមទាំងមានល្បឿនលឿន ព្រមទាំងអាចបង្កើតឱកាសច្រើនសម្រាប់មិត្តរួមក្រុមក្នុងការរកគ្រាប់បាល់ផងដែរ។ ” “Sane ទើបតែមានអាយុ ២០ ឆ្នាំប៉ុណ្ណោះ តែបានជាប់ក្នុងក្រុមជម្រើសជាតិ អាល្លឺម៉ង់ទៅហើយ ដូចនេះកីឡាកររូបនេះនៅមានពេលច្រើនក្នុងការវវិត្តន៍ខ្លួនឲ្យកាន់តែល្អជាងនេះទៅទៀត ដែលជាគ្រាប់ពេជ្រដ៏មានតម្លៃសម្រាប់ក្លឹបនាពេលអនាគត។”

គួរបញ្ជាក់ផងដែរថាកីឡាករ Sane គឺជាសមិទ្ធផលនៃក្រុមយុវជនរបស់ក្លឹប Schalke ដែលបង្ហាញខ្លួនឲ្យឈុតធំនៅខែ មេសា ២០១៤។ កីឡាកររូបនេះរកបាន ៨ គ្រាប់ក្នុងការបង្ហាញខ្លួន ៣៣ ប្រកួតនៅ Bundesliga កាលពីរដូវកាលមុនឲ្យក្លឹប Schalke៕

Leroy Sane

ប្រែសម្រួលដោយ៖ រិទ្ធី

ប្រភព៖ BBC Sports

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត