Rio 2016: កីឡាករ Marcos Baghdatis ដកខ្លួនចេញពីអូឡាំពិកដោយសាររបួសកែងដៃ

លី រិទ្ធី July 30, 2016


កីឡាករតេន្នីសលំដាប់លេខ ៤២ ពិភពលោក Marcos Baghdatis បានបង្ខំចិត្តដកខ្លួនចេញពីការប្រកួតនៅអូឡាំពិកនាទីក្រុង Rio ប្រទេស ប្រ៊េលស៊ីល ដោយសារតែរបួសកែងដៃ។

កីឡាករវ័យ ៣១ ឆ្នាំរូបនេះបានឈានដល់ជុំទី ៣ នៅក្នុងការប្រកួតនៅទីក្រុង ឡុង ឆ្នាំ ២០១២ ហើយគ្រោងនឹងបង្ហាញខ្លួនជាលើកទី៣ នៅទីក្រុង Rio។

នៅលើទំព័របណ្តាញសង្គមរបស់ខ្លួន អតីតជើងឯករង Australian Open ២០០៦ បានសសេរថា៖ “ប្រសិនជាខ្ញុំមិនជាសះស្បើយ ១០០% នោះ ខ្ញុំនឹងមិនចូលរួមប្រកួតអូឡាំពិកនោះទេ ពីព្រោះតែរបួសអាចជាភាពមិនយុត្តិធម៌សម្រាប់ប្រទេសខ្ញុំ។”

កីឡាករ Baghdatis នឹងបន្តព្យាបាលរបួសរបស់ខ្លួនដើម្បីឲ្យទាន់ការប្រកួត US Open ដែលចាប់ផ្តើមនៅថ្ងៃទី ២៩ សីហាខាងមុខ។

គួរបញ្ជាក់ផងដែរថា កីឡាករជើងឯករងពានរង្វាន់ Wimbledon កីឡាករ Milos Raonic និងកីឡាការលំដាប់លេខ ៨ ពិភពលោក  Tomas Berdych ក៏បានដកខ្លួនចេញពីការប្រកួតអូឡាំពិកផងដែរ៕

Marcos Baghdatis

ប្រែសម្រួលដោយ៖ រិទ្ធី

ប្រភព៖ BBC Sports

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត