សម្ដេចតេជោហ៊ុន សែន ផ្តល់ថវិកាលើកទឹកចិត្តដល់អត្តពលិកដែលចេញទៅប្រកួតអូឡាំពិកពិភពលោក

នូ មករា July 27, 2016


ភ្នំពេញ៖ អត្តពលិកកីឡាទាំង៦រូប រួមទាំងគ្រូបង្វឹក ៣រូបផ្សេងទៀត បានទទួលការឧបត្តម្ភពីសម្ដេចហ៊ុន សែន និងសម្ដេចគតិព្រឹទ្ធបណ្ឌិតក្នុងម្នាក់ចំនួន ១០០០ដុល្លារអាមេរិក ដើម្បីជាការលើកទឹកចិត្តដល់កីឡាករ កីឡាការិនី ដែលត្រូវទៅចូលរួមប្រកួតកីឡាអូឡាំពិក នៅទីក្រុងរីយ៉ូ ប្រទេសប្រស៊ីល នាខែសីហាខាងមុខនេះ។

IMG_7827

ថវិកាលើកទឹកចិត្តនេះត្រូវបាន ឯកឧត្តម ថោង ខុន ប្រធានគណៈកម្មាធិការជាតិអូឡាំពិកកម្ពុជា នាំយកមកជូនដល់ដៃអត្តពលិក និងគ្រូបង្វឹកកាលពីរសៀលថ្ងៃទី២៦ ខែកក្កដា នេះដោយមានការចូលរួមពីសំណាក់តំណាងសហព័ន្ធកីឡាជាតិជាច្រើនរូប។

IMG_7802

ជាមួយគ្នានេះដែល ឯកឧត្តមថោង ខុន ក៏បាននាំយកថវិកាលើកទឹកចិត្តបន្ថែមដែលទទួលបានពីសប្បុរសជន ប្រគល់ជូនគ្រូបង្វឹកនិងកីឡាករ-កីឡាការិនីផងដែរ ប៉ុន្ដែក្នុងនោះកីឡាការិនី ស៊ន សៀវម៉ី ដែលជាបេក្ខភាពពេញសិទ្ធិចូលរួមប្រកួត Olympic Games លើកនេះ គឺទទួលបានការឧបត្ថម្ភច្រើនជាងគេចំនួន ២,៥០០ដុល្លារ ខណៈកីឡាករ-កីឡាការិនីដទៃទទួលបានម្នាក់ៗ ១,៥០០ដុល្លារនិងគ្រូបង្វឹកក៏ទទួលបានម្នាក់ ៧០០ដុល្លារផងដែរ។ការចេញទៅប្រកួតកីឡាអូឡាំពិកលើកនេះ កម្ពុជាពិតជាមានមោទនភាពខ្លាំងណាស់ ពីព្រោះកីឡាការិនី ស៊ន សៀវម៉ីដណ្ដើមបានសិទ្ធិពេញលេញសម្រាប់ការចូលរួមប្រកួតដែលខុសពីកន្លងមកដែលកម្ពុជាទទួលបានតែសិទ្ធិអនុគ្រោះប៉ុណ្ណោះសម្រាប់ការចូលរួម។

ឯកឧត្ដមក៏បានក្រើនរំលឹកដល់ប្រតិភូ គ្រូបង្វឹក កីឡាករ និងកីឡាការិនីទាំងអស់ត្រូវយកចិត្តទុកដាក់ថែរក្សាសុខភាពនិងមិនធ្វើអ្វីដែលប៉ះពាល់ដល់កិត្តិយសប្រទេសជាតិឡើយ។

IMG_7756

គួបញ្ជាក់ផងដែរថា កម្ពុជាបញ្ជូនអត្តពលិកចំនួន៦រូបទៅចូលរួមប្រកួតកីឡាអូឡាំពិករដូវក្ដៅ នៅប្រទេសប្រេស៊ីលនាខែសីហាខាងមុខនេះគឺមាន កីឡាតេក្វាន់ដូ១នាក់គឺកីឡាការិនី ស៊ន សៀវម៉ី កីឡាហែលទឹក២នាក់គឺកីឡាការិនីហែមថុន វិទីនី និងកីឡាករ ពូ សុវិជ្ជា អត្តពលកម្ម២នាក់គឺកីឡាការិនី លី ណារី និងកីឡាករ Nekoព្រមទាំងកីឡាចំបាប់១នាក់គឺកីឡាការិនី ចូវ សុធារ៉ា៕

អត្ថបទ៖ ជីង ឡុង

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត