ខេត្តកណ្តាលបង្កើតការប្រកួតបាល់ទាត់ស្រី្តលើកទី១ ដើម្បីរកក្រុមខ្លាំងចូលរួម National Game

នូ មករា June 28, 2016


ខេត្តកណ្តាល៖ លោកពៅ វណ្ណា ប្រធានការិយាល័យអប់រំកាយ និង កីឡាខេត្តកណ្ដាលបានបញ្ជាក់ថាការដែលលោករៀបចំការប្រកួតកីឡាបាល់ទាត់ស្ត្រីនៅខេត្តកណ្ដាលនេះគឺដើម្បីរកក្រុមខ្លាំងសម្រាប់ចូលរួមប្រកួតក្នុងព្រឹត្តិការណ៍ National Games នាពេលខាងមុខនេះ ។

គួរបញ្ជាក់ថាកាលថ្ងៃទី២៦ ខែមិថុនា ឆ្នាំ២០១៦ កន្លងទៅ ថ្នាកដឹកនាំខេត្តកណ្ដាលបានរៀបចំការប្រកួតកីឡាបាល់ទាត់ស្ត្រីលើកទី១ របស់ខ្លួនដែលមានក្រុមបាល់ទាត់ស្ត្រីចំនួន ៧ក្រុមចូលរួម។

photo_2016-06-27_17-02-12 [800x600]

លោក ពៅ វណ្ណា ប្រធានការិយាល័យកីឡា ខេត្តកណ្តាលបានប្រាប់ ឲ្យដឹងថា ការប្រកួតកីឡាបាល់ទាត់ស្រី្តលើកទី១ នឹងធ្វើឡើង ដើម្បីជំរុញឲ្យស្រី្តចូលរួមក្នុងវិស័យកីឡាបានច្រើនដូចបុរសដែរ ក៏ដូចជាដើម្បីជ្រើសរើសកីឡាការិនីជើងខ្លំាងចូលរួមព្រឹត្តិការណ៍ នៃការប្រកួតរបស់ក្រសួងអប់រំយុវជន និងកីឡារាជធានីភ្នំពេញ គឺការប្រកួតកីឡាថ្នាក់ជាតិ (National Games 2016) ខាងមុខនេះ។

លោកបានបន្តថា សព្វថ្ងៃនេះកីឡាជាច្រើនប្រភេទរបស់ខេត្តកណ្តាល មានស្រី្តចូលរួមប្រហែលជាង ៥០ភាគរយទាំងកីឡាបាល់ទាត់ បាល់ទះ បាល់បោះ ប៉េតង់ សីប៉ាក់តាក្រ អត្តពលកម្ម ហែលទឹក ជាដើម។ លោកបានបន្តថា៖ «ការប្រកួតបាល់ទាត់ស្រ្តីឆ្នាំនេះមាន ៧ ក្រុមដែលចូលរួម ដោយមានកីឡាការិនីប្រមាណជា១៨០ នាក់មកពីបណ្តាសាលារដ្ឋ សាលាឯកជន និងបណ្តាស្រុក នានាក្នុងខេត្តកណ្តាល។»

សូមបញ្ជាក់ថា ការរៀបចំព្រឹត្តិការណ៍នេះឡើង គឺក្នុងគោលបំណងបង្កើនសាមគ្គីភាព បង្កើត និងបង្កើនទំនាក់ទំនង រវាងបុគ្គល និងបុគ្គល ស្ថាប័ន និងស្ថាប័ន ក្រៅពីនេះក៏ដើម្បីចូលរួមលើកកម្ពស់វិស័យកីឡាជាតិ ព្រមទាំងដើម្បីសុខភាព កម្លាំងកាយ ស្មារតីរឹងមាំល្អប្រសើរផងដែរ៕

អត្ថបទ៖ វ៉ាន្នី

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត