ពានរង្វាន់យុវជន U-16 ពូល A រកឃើញក្រុមឡើងវគ្គពាក់កណ្ដាលផ្ដាច់ព្រ័ត្រ ខណៈពូល B កំពុងតាន់តឹង

មាស សុផាណារ៉ុង August 3, 2020

ភ្នំពេញ៖ ការប្រកួតដណ្ដើមពានរង្វាន់យុវជនអាយុក្រោម ១៦ឆ្នាំ ដែលរៀបចំដោយសហព័ន្ធកីឡាបាល់ទាត់កម្ពុជា បានឈានដល់បញ្ចប់ការប្រកួតទី២ ប្រចាំពូលរៀងៗខ្លួនហើយ និងបានរកឃើញក្រុមឡើងវគ្គបន្តខ្លះៗផងដែរ។

ការប្រកួតសម្រាប់ពូល A ដែលមាន ក្រុមនគររាជ, ភ្នំពេញក្រោន, វិសាខា និងសាលាតម្រង់ទិសវិទ្យាល័យស្វាយរៀង បានរកឃើញក្រុមឡើងវគ្គពាក់កណ្ដាលផ្ដាច់ព្រ័ត្រហើយ ពោលគឺ ក្រុមនគររាជ ដឹកដៃគ្នាជាមួយ វិសាខា ឡើងវគ្គបន្ត បន្ទាប់ទទួលបានជ័យជម្នះ ២ប្រកួតជាប់ៗគ្នារៀងៗខ្លួន ខណៈភ្នំពេញក្រោន ជាមួយសាលាតម្រង់ទិសវិទ្យាល័យស្វាយរៀង អស់ឱកាសឡើងដូចគ្នាផងដែរ។

ពូល B ឯណោះវិញ ដែលមានក្រុមសាលាតម្រង់ទិសខេត្តបន្ទាយមានជ័យ, សាលាតម្រង់ទិសខេត្តកំពង់ស្ពឺ ណាហ្គាវើលដ៍, សាលាតម្រង់ទិសខេត្តស្ទឹងត្រែង និងសាលាតម្រង់ទិសខេត្តឧត្តរមានជ័យ កំពុងតែតាន់តឹងដ្បិតបច្ចុប្បន្នទាំង ៤ក្រុមមាន ៣ពិន្ទុដូចៗគ្នា ក្រោយឈ្នះចាញ់គ្នាទៅវិញទៅមក ត្រឹមប្រកួតទី២ នេះ។

តារាងចំណាត់ថ្នាក់រួមសម្រាប់ពាន U-16៖

ពូល A៖

ពូល B

ដោយឡែកសម្រាប់ពានរង្វាន់អាយុក្រោម ១៨ឆ្នាំ វិញ បានបញ្ចប់ជើងទី១ នៃវគ្គ ៨ក្រុមចុងក្រោយផងដែរ ដែលមានលទ្ធផលដូចខាងក្រោម៖

ការប្រកួតវគ្គ ៨ក្រុមចុងក្រោយជើងទី២ នឹងធ្វើឡើនៅថ្ងៃទី០៩ ខែសីហា ឆ្នាំ២០២០ ចុងសប្ដាហ៍នេះ៕

រូបភាព៖ CambodianYouthFootball | Visakha Academy 

អត្ថបទ៖ ណារ៉ុង

មតិយោបល់