រឿងរ៉ាវដែលបានកើតឡើង ក្នុងសប្ដាហ៍ទី១០ នៃលីគកំពូលកម្ពុជា

មាស សុផាណារ៉ុង August 3, 2020


 

ភ្នំពេញ៖ លីគកំពូលកម្ពុជា បានបញ្ចប់ការប្រកួតក្នុងសប្ដាហ៍ទី១០ ហើយត្រឹមថ្ងៃទី០២ ខែសីហា ឆ្នាំ២០២០ ម្សិលមិញ ខណៈសប្ដាហ៍ទី១០ នេះ រឿងរ៉ាវដ៏គួរឲ្យចាប់អារម្មណ៍ជាច្រើន បានកើតឡើង និងកត់ត្រាទុក។

មុននឹងចាប់ផ្ដើមសូមលើកបង្ហាញពីលទ្ធផលពីការប្រកួតចំនួន ៦គូ នៅសប្ដាហ៍នេះ បានបញ្ចប់ទៅដោយលទ្ធផលឈ្នះ ចាញ់ ៤គូ និងមានលទ្ធផលស្មើ ២គូ ខណៈលទ្ធផលទាំងស្រុងដូចខាងក្រោម៖

ក្រៅតែពីលទ្ធផលទាំងអស់នេះ រឿងរ៉ាវដទៃទៀត ក៏បានបន្សល់ទុកផងដែរ ដែលមានដូចជា៖

  • ព្រះខ័នរាជស្វាយរៀង ធ្វើបានល្អជាងកាលពីរដូវកាលមុន គិតត្រឹម ៩ប្រកួត រដូវកាលនេះ ឈ្នះ៨ ស្មើ១ ខណៈឆ្នាំ២០១៩ ឈ្នះ៧ ស្មើ២
  • ក្រុមលេខ១ ព្រះខ័នរាជស្វាយរៀង លេខ២ បឹងកេត និងលេខ៣ ណាហ្គាវើលដ៍ នៅតែក្រុមបន្តរក្សាបានពាក្យថាមិនដែលចាញ់
  • នគរបាលជាតិ ២សប្ដាហ៍ចុងក្រោយបានរំកិលខ្លួនឡើងមកលេខ១១ បន្ទាប់ពីនៅបាតតារាង ៨សប្ដាហ៍ជាប់ៗគ្នា
  • យុវជនសាលាបាល់ទាត់បាទីអាយុក្រោម ១៨ឆ្នាំ ទីបំផុតអាចរកគ្រាប់បាល់បំបោងសំណាញទីគូប្រកួត បន្ទាប់ពី ៨សប្ដាហ៍កន្លងមកមិនអាចរកគ្រាប់បាល់បានសូម្បីតែ ១គ្រាប់
  • ៣ ក្រុមប្រកួតបាន ១០ប្រកួត ភ្នំពេញក្រោន, វិសាខា និងទ័ព ខណៈក្រុមផ្សេងៗដទៃទៀតទើបតែប្រកួតបាន ៩ប្រកួត
  • ៦ ក្រុមបានអស់ឱកាសប្រជែងកៅអីក្រុមខ្លាំងទាំង៦ (Top 6) ជាផ្លូវការ រួមមាន U-18 សាលាបាល់ទាត់បាទី, សូលទីឡូអង្គរ, នគរបាលជាតិ, អគ្គិសនីកម្ពុជា, អាស៊ិអឺរ៉ុបយូណាយធីត និងគីរីវង់សុខសែនជ័យ
  • ម៉ាត់ ណូរុន បង្ហាញសក្ដានុពលរបស់ខ្លួនចាប់តាំងពីជារបួស ៥ប្រកួតចុងក្រោយ ទាត់ចូល ៦គ្រាប់ បញ្ជូនបាល់ឲ្យមិត្តរួមក្រុមបញ្ចប់ទី (assist) បាន ៥ដង
  • កីឡាករ គង់ រ៉ាហ្វាត ទទួលរងរបួសធ្ងន់ក្រោយការប៉ះទង្គិចជាមួយកីឡាករទ័ព បណ្ដាលឲ្យសន្លប់ ខណៈពេលនេះស្ថានភាពបានធូរស្រាលជាប្រក្រតី

តារាងចំណាត់ថ្នាក់ដូចខាងក្រោម៖

 

រូបភាព៖ Metfone Cambodian League

អត្ថបទ៖ ណារ៉ុង

មតិយោបល់