លោក Honda សម្ដែងក្ដីមិនអស់ចិត្តដែលលីគប្រេស៊ីលចង់បន្តឡើងវិញ គ្រាដែលចំនួនអ្នកឆ្លងកូវីដកាន់តែកើនឡើង

មាស សុផាណារ៉ុង June 18, 2020

 

ប្រេស៊ី៖ អ្នកចាត់ការទូទៅក្រុមបាល់ទាត់ជម្រើសជាតិ លោក Keisuke Honda បានសម្ដែងក្ដីមិនអស់ចិត្តនៅពេលដែលឭដំណឹងថា លីគប្រេស៊ីលចង់បន្តឡើងវិញ គ្រាដែលចំនួនអ្នកឆ្លងកូវីដ-១៩ ក្នុងប្រទេសកាន់តែកើនឡើងជារៀងរាល់ថ្ងៃ។

កាលពីពេលថ្មីៗនេះ សហព័ន្ធកីឡាបាល់ទាត់ប្រចាំរដ្ឋ Rio de Janeiro បានស្នើថា ពានរង្វាន់ជើងឯករដ្ឋ ដែលជាការប្រកួតមួយក្នុងចំណោមការប្រកួតទូទាំងរដ្ឋជាច្រើនដែលនឹងប្រព្រឹត្តទៅនៅប្រទេសប្រេស៊ីល មុនពេលលីគ ចាប់ផ្តើមនៅពាក់កណ្តាលឆ្នាំនេះ ចាប់ផ្តើមឡើងវិញនៅថ្ងៃទី១៨ ខែមិថុនា ដោយរង់ចាំតែការយល់ព្រមពីរដ្ឋាភិបាល។

យ៉ាងណាមិញ ចំនួនអ្នកឆ្លងជំងឺកូវីដ-១៩ ក្នុងប្រទេសបានបន្តកើនឡើងជារៀងរាល់ថ្ងៃ ជាក់ស្ដែងគិតត្រឹមថ្ងៃទី១៨ ខែមិថុនា គឺមានចំនួនអ្នកឆ្លងសរុប ៩៦០,៣០៩នាក់ ក្នុងនោះមានអ្នកស្លាប់ ៤៦,៦៦៥នាក់ និងមាន ៤១០,១៣៧ករណីកំពុងកើតមាន ឈរនៅលេខ២ នៅលើពិភពលោកបន្ទាប់ពីសហរដ្ឋអាមេរិក នាមជាប្រទេសដែលមានចំនួនអ្នកឆ្លង និងស្លាប់ដោយសារកូវីដ-១៩ ច្រើនជាងគេ។

បែបនេះហើយ លោក Keisuke Honda ដែលជាសមាជិកនៃក្លិប Botafogo ប្រកបអាជីពនៅលីគប្រេស៊ីល បានបញ្ជាក់នៅលើគណនី Twitter របស់លោកនូវចម្ងល់ដែលហេតុអ្វីបានជាសហព័ន្ធកីឡាបាល់ទាត់ប្រេស៊ីល ចង់បន្តការប្រកួតឡើងវិញ ដោយបានសរសេរដល់ទៅ ២ដង ២ថ្ងៃជាប់ៗគ្នា។

នៅថ្ងៃទី១៧ ខែមិថុនា លោកបានសរសេរថា៖ «តើអ្នកប្រាកដទេ ដែលអ្នកចង់ចាប់ផ្ដើមលីគឡើងវិញ។» បន្ទាប់មកនៅថ្ងៃទី១៧ ខែដដែលនេះ លោកបានសរសេរដូច្នេះទៀតថា៖ «ថ្ងៃទី១៦ ខែមិថុនា ចំនួនអ្នកឆ្លង ៣៤,៩១៨នាក់ ចំនួនអ្នកស្លាប់ ១,២៨២នាក់។ តើខ្ញុំឆ្កួតមែនទេ ដែលចង់ដឹងពីហេតុផលសមស្របណាមួយ ថាហេតុអ្វីបានជាយើងប្រកួតលីគឡើងវិញ?»

ក្នុងសាររបស់លោកដែលបានបង្ហោះនីមួយៗ មានអ្នកគាំទ្រភាគច្រើនបានសម្ដែងគាំទ្រការលើកឡើងរបស់លោកផងដែរ និងក៏មានខ្លះមិនពេញចិត្តការលើកឡើងផងដែរ យ៉ាងណាមិញសហព័ន្ធក៏នៅតែមានគម្រោងប្រកួតដែលបានកំណត់ឲ្យចូលប្រកួតនៅចន្លោះថ្ងៃទី១៨ និង២២ ខែមិថុនា៕

 

អត្ថបទ៖ ណារ៉ុង

មតិយោបល់

អត្ថបទថ្មីៗ

អត្ថបទផ្សេងៗ

កីឡដ្ឋានខេត្តកំពង់ស្ពឺ សាងសង់លើផ្ទៃដីជាង ៤ហិចតា ធ្វើពិធីក្រុងពាលីត្រៀមសាងសង់ជាផ្លូវការ

សម្ដេចពិជ័យសេនា ទៀ បាញ់ ផ្តល់យុទ្ធសាស្ត្រ ៨ចំណុចធំៗត្រៀមស៊ីហ្គេមឆ្នាំ២០២៣

ស្វាយរៀង បង្ហាញគ្រូ និងកីឡាករថ្មី ២នាក់ផ្លូវការ ដើម្បីត្រៀមរដូវកាលថ្មី

សកម្មភាពនៃសន្និសីទសារព័ត៌មានរបស់ក្លឹបបាល់ទាត់វិសាខា