សហព័ន្ធកីឡាបាល់ទាត់កម្ពុជា ព្យួរសកម្មភាពអតីត និងមន្ត្រីសហព័ន្ធ ៤រូបពីបាល់ទាត់អស់មួយជីវិត

មាស សុផាណារ៉ុង May 6, 2020


 

ភ្នំពេញ៖ សហព័ន្ធកីឡាបាល់ទាត់កម្ពុជា នៅថ្ងៃទី០៦ ខែឧសភា ឆ្នាំ២០២០ បានធ្វើការប្រកាស ពីការព្យួរសកម្មភាពអតីត និងមន្ត្រីសហព័ន្ធ ៤រូបពីបាល់ទាត់អស់មួយជីវិត គួរឲ្យភ្ញាក់ផ្អើល។

មន្ត្រីទាំង ៤រូបនោះរួមមាន លោក ម៉ៃ តុលា ដែលជាអតីត អគ្គលេខាធិការនៃសហព័ន្ធកីឡាបាល់ទាត់កម្ពុជា, លោក ទុយ វិច្ឆិកា ប្រធានការិយាល័យអាជ្ញាកណ្ដាលនៃសហព័ន្ធកីឡាបាល់ទាត់កម្ពុជា, លោក ឆាំង ពិសិដ្ឋ ដែលធ្លាប់ជាអតីតអ្នកចាត់ការក្រុមជម្រើសជាតិកម្ពុជា និងលោក គល់ សុភារម្យ ជាប្រធានផ្នែករដ្ឋបាលនៃសហព័ន្ធកីឡាបាល់ទាត់កម្ពុជា។

គេមិនអាចដឹងថាការបញ្ឈប់នេះ ក្នុងកំហុសបែបណាពិតប្រាកដ ប៉ុន្តែសេចក្ដីប្រកាសបានត្រឹមតែបញ្ជាក់ថា លោកទាំង ៤បានប្រព្រឹត្តិកំហុសយ៉ាងធ្ងន់ធ្ងរ ផ្ទុយនឹងក្រមសីលធម៌ និងវិន័យរបស់សហព័ន្ធកីឡាបាល់ទាត់កម្ពុជា ហើយរឹតតែគួរឲ្យចាប់អារម្មណ៍ទៅទៀតនោះ លោក ម៉ៃ តុលា ដែលជាអតីត អគ្គលេខាធិការនៃសហព័ន្ធកីឡាបាល់ទាត់កម្ពុជា គឺត្រូវបានបញ្ជាក់ថាពាក់ព័ន្ធទៅនឹងអំពើពុករលួយ៕

 

សេចក្ដីប្រកាស៖ សហព័ន្ធកីឡាបាល់ទាត់កម្ពុជា

អត្ថបទ៖ ណារ៉ុង

មតិយោបល់